Gweithgareddau mewn addysg bellach, prentisiaethau neu ddysgu cymunedol yn ôl darparydd, iaith y rhaglen, grŵp oedran a maes pwnc sector
Disgwylir y diweddariad nesaf:Mawrth 2026
Diweddariadau
- 26ain Chwefror 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Llywodraeth Cymru
- Ffynhonnell y data
- Cofnod Dysgu Gydol Oes Cymru (LLWR)
- Cyfnod amser dan sylw
- Awst 2016 i Gorffennaf 2025
Trosolwg
- Crynodeb o’r set ddata a newidynnau
Gweithgareddau dysgu a wnaed fel rhan o addysg bellach mewn colegau, dysgu cymunedol awdurdod lleol, neu brentisiaethau.
Ni chaiff addysg uwch, gradd-brentisiaethau na dosbarthiadau chwech eu cynnwys.
Mae'r set ddata'n cynnwys y newidynnau canlynol:
Blwyddyn academaidd: O 1 Awst tan 31 Gorffennaf.
Dull y rhaglen: Mae addysg bellach yn cynnwys dysgwyr sy'n astudio cymwysterau Safon Uwch a chymwysterau cyffredinol eraill, yn ogystal â dysgwyr sy'n astudio cymwysterau galwedigaethol (er enghraifft BTECs). Ystyr dysgu cymunedol awdurdod lleol yw gweithgareddau dysgu cymunedol a gynhelir gan awdurdodau lleol, ac mae'n cynnwys gweithgareddau dysgu a gynhelir gan sefydliad addysg bellach dan gontract.
Gweithgaredd safonedig: Ystyr cymhwyster a reoleiddir yw unrhyw gymhwyster yng nghronfa ddata Cymwysterau Cymru.Nodau dysgu nas rheoleiddir yw cymwysterau neu weithgareddau safonedig eraill (er enghraifft Trwydded DVLA Categori C).Ymhlith y gweithgareddau eraill mae unrhyw weithgaredd heb ei achredu y bydd darparwr unigol yn penderfynu arno (er enghraifft Tiwtorial Grŵp, neu Ysgrifennu Llythyr Eglurhaol).
Darparwr: Darparwr arweiniol y gweithgareddau dysgu. Os bydd darparwyr wedi uno, bydd y data hanesyddol yn cynnwys yr holl ddarparwyr blaenorol. Darparwyr nad ydynt yn bodoli fel darparwyr arweiniol yn y flwyddyn ddiweddaraf yw darparwyr hanesyddol.
Maes pwnc sector: Mae'n dilyn system ddosbarthu SSA.
Cyfrwng cyflwyno: Faint o'r gweithgaredd dysgu a gynhaliwyd drwy gyfrwng y Gymraeg. Caiff gweithgareddau dysgu sy'n addysgu'r Gymraeg eu categoreiddio ar wahân.
Rhuglder Cymraeg: A yw'r myfyriwr yn ystyried ei hun yn siaradwr Cymraeg.
Grŵp oedran: Oedran y dysgwr ar 31 Awst y flwyddyn academaidd.
- Cyfrifo neu gasglu data
Cofnod Dysgu Gydol Oes Cymru yw’r system casglu data a ddefnyddir gan Lywodraeth Cymru i alluogi darparwyr AB, dysgu seiliedig-ar-waith a dysgu cymunedol awdurdodau lleol i gyflwyno data unigoledig ar-lein ar ddysgwyr, a’u rhaglenni, gweithgareddau a dyfarniadau dysgu.
Mae systemau Llywodraeth Cymru’n llwytho’r data ar gronfa ddata i hwyluso gwaith dadansoddi. Wedyn trosglwyddir y gronfa ddata i Medr i’w phrosesu a’i dadansoddi. Ceir rhagor o wybodaeth am LLWR gan gynnwys llawlyfrau cymorth i ddefnyddwyr ar wefan Llywodraeth Cymru.
Caiff y data a ddefnyddir yn yr ystadegau hyn ei echdynnu o LLWR ar y dydd Iau yn y drydedd wythnos lawn ym mis Rhagfyr.
Prif ddiben LLWR yw darparu data ar AB/dysgu seiliedig-ar-waith/dysgu cymunedol awdurdodau lleol i hwyluso’r broses o gynllunio a chyllido darpariaeth ddysgu a gyflwynir. Mae data LLWR hefyd yn sail ar gyfer monitro perfformiad a deilliannau, goleuo strategaeth a datblygu a darparu ystadegau ar AB/dysgu seiliedig-ar-waith/dysgu cymunedol awdurdodau lleol yng Nghymru.
- Ansawdd ystadegol
Mae ystadegwyr yn Llywodraeth Cymru yn adolygu'r data ac yn gwirio unrhyw anghysondebau gyda thîm casglu data Cofnod Dysgu Gydol Oes Cymru ac, os yn berthnasol, gyda darparwyr dysgu cyn cyhoeddi unrhyw dablau. Mae data Cofnod Dysgu Gydol Oes Cymru sy'n sail i'r tabl hwn wedi'i fwriadu i fod yn ddata terfynol at ddibenion nad oes a wnelont â chyllid.
- Talgrynnu wedi'i wneud
Mae'r holl ffigurau wedi'u talgrynnu i'r lluosrif agosaf o 5. Mae pob gwerth mwy na 0 ond llai na 5 wedi'u diystyru, ac fe'u nodir gyda [c].
- Adroddiadau cysylltiedig
Cyhoeddwyd gan
- Sefydliad
- Medr
- E-bost cysylltu
- ystadegau@medr.cymru