Ceisiadau misol cronnus ar gyfer cymorth i fyfyrwyr yn ôl blwyddyn academaidd.

Prif wybodaeth

Dynodiad: Ystadegau swyddogol achrededig
Darparwr data: Cwmni Benthyciadau Myfyrwyr
Ffynhonnell y data: Data gweinyddol

Trosolwg

Crynodeb o’r set ddata a newidynnau

Mae'r tabl hwn yn cyflwyno'r nifer cronnol o geisiadau a ddaeth i law am gyllid myfyrwyr gan fyfyrwyr israddedig amser llawn sydd â’u domisil yng Nghymru a myfyrwyr cymwys o'r UE sy'n astudio cwrs addysg uwch yng Nghymru.

Mae'r garfan mynediad yn grwpio ymgeiswyr am gyllid myfyrwyr yn unol â'r rheoliadau cylid myfyrwyr a ddefnyddir i asesu angen yr ymgeisydd am gymorth. Mae ceisiadau am gyllid myfyrwyr yn cael eu cwmpasu gan amddiffyniad trosiannol sy'n golygu eu bod yn parhau i gael eu hasesu yn erbyn y rheoliadau sydd ar waith ar gyfer eu blwyddyn gyntaf o astudio (gan gynnwys myfyrwyr sy’n trosglwyddo o un cwrs llawnamser i gwrs llawnamser arall). Ni fydd myfyrwyr sy'n tynnu’n ôl o gwrs ac yn dechrau cwrs arall, neu sy'n dechrau cyfnod astudio newydd yn derbyn amddiffyniad trosiannol mwyach, a byddant yn cael eu hasesu o dan y trefniadau sydd ar waith ar gyfer eu blwyddyn astudio ddiweddaraf.

Dangosir ceisiadau ar gyfer tri math o gymorth; Cyllid Myfyrwyr, Benthyciadau Ffioedd Dysgu a Grantiau Ffioedd Dysgu. O dan Cyllid Myfyrwyr dangosir nifer y ceisiadau ar gyfer unrhyw fath o gymorth i fyfyrwyr israddedig amser llawn. Cafodd grantiau ffioedd dysgu eu dileu ar gyfer myfyrwyr newydd o 2018/19.

Cyfrifo neu gasglu data

Mae'r Cwmni Benthyciadau i Fyfyrwyr yn gweinyddu cyllid i fyfyrwyr addysg uwch ar ran Llywodraeth Cymru. Mae'r data hyn wedi'u cymryd o systemau gweinyddol y Cwmni Benthyciadau i Fyfyrwyr ac yn dangos ceisiadau a ddaeth i law hyd at ddydd Sul olaf bob mis calendr.

Yn gyffredinol, gall myfyrwyr wneud cais am gyllid myfyrwyr o fis Ebrill cyn i'w cwrs ddechrau, ond gall y mis y bydd modd gwneud cais amrywio bob blwyddyn.

Gall myfyrwyr sydd a'u domisil yng Nghymru a myfyrwyr cymwys o'r UE sy'n astudio yng Nghymru wneud cais. Roedd holl fyfyrwyr yr UE a oedd yn astudio yng Nghymru ac a ddechreuodd eu cwrs rhwng 2006/07 a 2020/21 yn gymwys i gael benthyciad ffioedd dysgu. O 2021/22 ymlaen, mae myfyrwyr yr UE sydd â hawliau gwarchodedig yn gymwys i gael benthyciad ffioedd Dysgu.

Ansawdd ystadegol

Gall y diweddariadau misol hyn roi syniad cynnar o niferoedd myfyrwyr o gymharu â'r flwyddyn flaenorol, er y gall newidiadau yn y broses ymgeisio, megis amseru, effeithio ar gymariaethau.

Mae ceisiadau'n cael eu cyfrif o'r mis y maent yn cyrraedd un o'r cyfnodau canlynol: 1 Cymhwysedd heb ei Gwblhau; 2 Hawl heb ei Gwblhau; 3 Yn Disgwyl Asesiad gan yr AALl; 9 Yn Disgwyl Dilysiad; 10 Yn Disgwyl Cymeradwyaeth gan yr AALl; 12 Wedi'i Gymeradwyo; 18 Yn Meddu Arno Eisoes, 23 Wedi'i Gymeradwyo - Yn Disgwyl Llofnod.

Mae'n bosibl i nifer y ceisiadau neu ddyfarniadau ostwng o un mis i'r llall gan y bydd rhai o'r ceisiadau'n cael eu canslo neu'r myfyriwr yn tynnu allan o'r cwrs.

Mae gwybodaeth fwy manwl ar gael yng Nghyhoeddiad Ystadegol Cyntaf blynyddol SLC ym mis Tachwedd. Noder bod y data hwn yn dod o Adroddiadau Rheoli misol SLC nad ydynt yn seiliedig ar yr un diffiniadau ag a ddefnyddir ar gyfer y Cyhoeddiad Ystadegol Cyntaf, felly mae'r ffigurau a gyhoeddir ym mis Tachwedd ychydig yn wahanol i'r rhai yn y tablau hyn.

Talgrynnu wedi'i wneud

Mae ffigurau wedi'u talgrynnu i'r 5 agosaf. Oherwydd talgrynnu, efallai na fydd symiau'r rhesi a'r colofnau'n ychwanegu at y cyfanswm a roddir.

Adroddiadau cysylltiedig

Cymorth i fyfyrwyr ar gyfer addysg uwch

Cyhoeddwyd gan

Sefydliad: Llywodraeth Cymru
E-bost cysylltu: addysguwchachyllidmyfyrwyr.yst@llyw.cymru

Ceisiadau misol cronnus ar gyfer cymorth i fyfyrwyr yn ôl blwyddyn academaidd.

Cynnwys

Hidlwyr

Dewis sut i weld y data

Diweddariadau

Prif wybodaeth

Trosolwg

Cyhoeddwyd gan