Mae'r set ddata hon i'w chael yn:

Nifer yr ymdrechion i roi'r gorau i ysmygu drwy'r gwasanaeth rhoi'r gorau i ysmygu a nifer y bobl a lwyddodd i roi'r gorau i ysmygu a GYD-ddilyswyd

Hidlwyr

Byddwch yn gallu newid y dewisiadau hidlo ar ôl i chi ddewis sut i weld y data.
Disgrifiad o’r data

Mae hyn yn nodi beth mae gwerth data yn ei gynrychioli

5 o 5 wedi'u dewis
Nid oes gwerthoedd yn cyfateb â'ch chwiliad
Bwrdd Iechyd Preswyl
10 o 10 wedi'u dewis
Nid oes gwerthoedd yn cyfateb â'ch chwiliad
Dyddiad
47 o 47 wedi'u dewis
Nid oes gwerthoedd yn cyfateb â'ch chwiliad
Gwasanaeth
6 o 6 wedi'u dewis
Nid oes gwerthoedd yn cyfateb â'ch chwiliad
Cyfrif cynyddol neu chwarterol
2 o 2 wedi'u dewis
Nid oes gwerthoedd yn cyfateb â'ch chwiliad

Dewis sut i weld y data

Bydd gofyn i chi ddewis un newidyn ar gyfer colofnau'r tabl, ac un arall ar gyfer y rhesi
Bydd y data yn cael ei ddangos gyda cholofnau ar gyfer pob un o'r newidynnau yn y set ddata, gyda gwerth data ar gyfer pob cyfuniad o newidynnau

Disgwylir y diweddariad nesaf:8 Gorffennaf 2026

Diweddariadau

8fed Ebrill 2026

Chwarter newydd wedi’i ychwanegu a diwygiadau wedi'u cymhwyso i ddata blaenorol lle bo hynny’n berthnasol.

27ain Chwefror 2026

Mae gwall a ganfuwyd yn y metadata sy'n ymwneud â'r cyfieithiad o ‘CO-validation’ wedi'i gywiro.

7fed Ionawr 2026

Chwarter newydd wedi’i ychwanegu a diwygiadau wedi'u cymhwyso i ddata blaenorol lle bo hynny’n berthnasol.

8fed Hydref 2025
Set ddata a gyhoeddwyd gyntaf.

Prif wybodaeth

Dynodiad
Gwybodaeth reoli
Darparwr data
Llywodraeth Cymru
Ffynhonnell y data
Casgliad data gwasanaethau rhoi’r gorau i ysmygu
Cyfnod amser dan sylw
Ebrill 2014 i Rhagfyr 2025

Trosolwg

Crynodeb o’r set ddata a newidynnau

Mae gwasanaeth rhoi'r gorau i ysmygu yn darparu cymorth a chyngor ymddygiadol sy'n seiliedig ar dystiolaeth i ysmygwyr sy'n awyddus i geisio rhoi'r gorau i ysmygu. Mae hyn yn cynnwys y gwasanaeth arbenigol cenedlaethol pwrpasol Helpa Fi i Stopio (a elwid yn flaenorol yn Dim Smygu Cymru), gwasanaethau rhoi'r gorau i ysmygu Lefel 3 a ddarperir gan fferyllfeydd cymunedol ac unrhyw wasanaethau 'mewnol' sydd ar gael mewn ysbytai a meddygfeydd teulu yng Nghymru.

Mae'r tabl hwn yn darparu data ar ymdrechion i roi'r gorau i ysmygu drwy'r gwasanaeth rhoi'r gorau i ysmygu a GYD-ddilyswyd fel rhai llwyddiannus mewn chwarteri unigol a chwarteri cronnus o fewn blwyddyn ariannol (Ebrill i Fawrth) ar gyfer pob bwrdd iechyd ledled Cymru. Mae'r tabl yn dangos, ar gyfer trigolion Cymru:

  • nifer yr ysmygwyr sy'n cael eu trin gan wasanaethau rhoi'r gorau i ysmygu
  • amcangyfrif o nifer yr ysmygwyr
  • canran yr amcangyfrif o nifer yr ysmygwyr a wnaeth ymdrech i roi'r gorau i ysmygu drwy wasanaethau rhoi'r gorau i ysmygu
  • nifer yr ysmygwyr a gafodd eu trin a GYD-ddilyswyd fel rhai sydd wedi llwyddo i roi'r gorau i ysmygu 4 wythnos ar ôl y dyddiad rhoi'r gorau iddi
  • canran yr ysmygwyr a gafodd eu trin a GYD-ddilyswyd fel rhai sydd wedi llwyddo i roi'r gorau i ysmygu 4 wythnos ar ôl y dyddiad rhoi'r gorau iddi

Ar gyfer data o'r chwarter a ddaeth i ben ym mis Mehefin 2014 i'r chwarter a ddaeth i ben ym mis Medi 2019, y gwasanaethau rhoi'r gorau i ysmygu unigol oedd: Dim Smygu Cymru Gwasanaethau fferyllfa lefel 3 Gwasanaethau mewnol ysbyty Gwasanaethau mewnol meddygfa deulu Gwasanaeth mamolaeth arbenigol (adroddwyd ar wahân o'r chwarter a ddaeth i ben ym mis Mehefin 2018)

O'r chwarter a ddaeth i ben ym mis Rhagfyr 2019, cafodd Dim Smygu Cymru ei ail-frandio fel Helpa Fi i Stopio. O ganlyniad, y gwasanaethau rhoi'r gorau i ysmygu unigol o'r dyddiad hwn yw: Helpa Fi i Stopio - cymuned Helpa Fi i Stopio – fferyllfa lefel 3 Helpa Fi i Stopio - gwasanaethau ysbyty Helpa Fi i Stopio ar gyfer babi Gwasanaeth mewnol meddygfa deulu (adroddwyd fel rhan o Helpa Fi i Stopio – cymuned o'r chwarter a ddaeth i ben ym mis Mehefin 2021).

Oherwydd y risg o drosglwyddo COVID-19 sy'n gysylltiedig â'r driniaeth, ni aeth byrddau iechyd ati i GYD-ddilysu o'r chwarter a ddaeth i ben ym mis Mehefin 2020 i'r chwarter a ddaeth i ben ym mis Mawrth 2024. Yn ystod y cyfnod hwn, ni chasglwyd data ac ni chyhoeddwyd ystadegau sy'n ymwneud â CHYD-ddilysu. O'r chwarter a ddaeth i ben ym mis Mehefin 2024, mae'r holl fyrddau iechyd wedi ailddechrau CYD-ddilysu, felly mae'r prosesau casglu a chyhoeddi data wedi ailddechrau.

Cyfrifo neu gasglu data

Mae Is-adran Perfformiad GIG Cymru yn Llywodraeth Cymru yn cael ffurflenni adrodd Rhoi'r Gorau i Ysmygu bob chwarter gan bob bwrdd iechyd. Mae'r safonau sy'n ymwneud â'r ffurflenni wedi'u hadolygu a'u pasio gan Fwrdd Safonau Gwybodaeth Cymru (WISB) a Grŵp Datblygu Gwybodaeth Cymru (WIDG) (a elwid gynt yr Is-grŵp Hysbysiad Newid Safonau Data).

Ansawdd ystadegol

Mae Is-adran Perfformiad GIG Cymru yn Llywodraeth Cymru yn lanlwytho'r data a ddaw i law bob chwarter. Mae'r system prosesu data a ddefnyddir yn sicrhau nad yw data ar goll o'r ffurflenni. Yna cynhelir gwiriadau dilysu a gwirio pellach bob chwarter, gan gynnwys, er enghraifft, gwirio tueddiadau yn y data ac unrhyw ddirywiad sylweddol mewn perfformiad yn erbyn y targedau a osodwyd. Mae unrhyw annormaleddau yn y data yn cael eu nodi a'u codi gyda'r bwrdd iechyd perthnasol, gan alluogi'r bwrdd iechyd i wirio, cywiro neu wneud sylwadau ar eu data ac i ddarparu gwybodaeth gyd-destunol lle bo hynny'n berthnasol.

Os canfyddir bod gwerth data a gyhoeddwyd yn flaenorol yn anghywir a'i fod wedyn yn cael ei gywiro neu ei fod wedi'i newid i wella cywirdeb, ychwanegir r at y gwerth data perthnasol yn y cyhoeddiad nesaf.

Mae rhagor o wybodaeth ar gael yn yr [Adroddiad Ansawdd Gwasanaethau Rhoi'r Gorau i Ysmygu] (https://www.llyw.cymru/gwasanaethau-rhoir-gorau-ysmygu-y-gig-adroddiad-ansawdd-html)

Talgrynnu wedi'i wneud

Canrannau wedi'u croni i ddau ddegolyn

Adroddiadau cysylltiedig

Cyhoeddwyd gan

Sefydliad
Llywodraeth Cymru
E-bost cysylltu
hss.performance@llyw.cymru