Mae'r set ddata hon i'w chael yn:

Mesurau gweithgaredd a pherfformiad ambiwlansys, Gorffennaf 2025 ymlaen

Disgwylir y diweddariad nesaf:21 Mai 2026

Diweddariadau

• 23ain Ebrill 2026:

  Mis newydd wedi'i ychwanegu

• 19eg Mawrth 2026:

  Mis newydd wedi'i ychwanegu

• 19eg Chwefror 2026:

  Mis newydd wedi'i ychwanegu

• 22ain Ionawr 2026:

  Mis newydd wedi'i ychwanegu

• 18fed Rhagfyr 2025:

  Mis newydd wedi'i ychwanegu

• 26ain Medi 2025: Set ddata a gyhoeddwyd gyntaf.

Prif wybodaeth

• Dynodiad: Ystadegau swyddogol achrededig
• Darparwr data: Ymddiriedolaeth GIG Gwasanaethau Ambiwlans Cymru
• Ffynhonnell y data: Dim ffynhonnell benodol gan ddarparwr y data
• Cyfnod amser dan sylw: Gorffennaf 2025 i Mawrth 2026

Trosolwg

• Crynodeb o’r set ddata a newidynnau:

  Hyd at fis Gorffennaf 2025, roedd galwadau 999 i’r gwasanaeth ambiwlans yn cael eu categoreiddio yn rhai coch (galwadau lle mae bywyd yn y fantol), ambr (galwadau difrifol ond lle nad yw bywyd yn y fantol) neu wyrdd (galwadau nad ydynt yn rhai brys). Ar 1 Gorffennaf, cafodd model ymateb newydd ei roi ar waith, a chyflwynwyd dau gategori ymateb newydd i ddisodli’r categori coch blaenorol. Y categorïau newydd yw Porffor: Ataliad, ar gyfer ataliad y galon ac ataliad anadlol, a Coch: Brys, ar gyfer trawma mawr a digwyddiadau eraill lle y mae person mewn perygl sylweddol o gael ataliad y galon neu ataliol anadlol os nad yw’n cael ymateb cyflym.

  Ar 2 Rhagfyr 2025, disodlodd tri chategori newydd y categorïau oren a gwyrdd blaenorol. Y categorïau newydd hyn yw Oren: Nawr, ar gyfer cyflyrau difrifol, Melyn: Yn fuan, ar gyfer pobl y mae angen eu hasesu yn gyntaf, a Gwyrdd: Wedi'i gynllunio, ar gyfer galwadau llai brys.

  Mae'r set ddata hon yn cynnwys data ar gyfer nifer y galwadau ambiwlans porffor, coch, oren, melyn a gwyrdd, cyfraddau Cylchrediad Digymell wedi Dychwelyd, amseroedd ymateb ambiwlansys, yr amser a gymerir i adnabod ataliad ar y galon, yr amser a gymerir i ddechrau rhoi cyfarwyddiadau CPR a’r amser a gymerir i sicrhau diffibriliwr.

• Cyfrifo neu gasglu data:

  Ffurflen fisol gan Ymddiriedolaeth GIG Gwasanaethau Ambiwlans Cymru, ar lefel Bwrdd Iechyd Lleol. Caiff data eu cyflwyno ar daenlen Excel a’u trosglwyddo i gronfa ddata Access. Yr Ymddiriedolaeth sy’n gwirio gan gynnwys tueddiadau misol ac yn delio ag unrhyw ymholiadau.

• Ansawdd ystadegol:

  Caiff cyfraddau ROSC eu cyfrifo fel cyfran y cleifion sydd â churiad calon wedi’i adfer ar ôl cyfnod o ataliad ar y galon. Yn sgil y nifer cymharol isel o gleifion yn y categori hwn, mae’r ffigurau ar lefel y bwrdd iechyd yn debygol o fod yn gyfnewidiol o un mis i’r llall. Dylid bod yn ofalus wrth gymharu byrddau iechyd a thros amser. Efallai y bydd peth amser cyn y gellir gweld tueddiadau gwirioneddol mewn perfformiad a chyn y gellir sefydlu unrhyw wahaniaethau rhwng byrddau iechyd. Tros amser, byddwn yn ystyried y ffordd orau o gyflwyno’r ffigurau ar lefel y bwrdd iechyd a’u rhannu.

  Cafodd y model newydd ei roi ar waith tua 10am ar 1 Gorffennaf 2025. O ganlyniad, nid yw nifer bach o ddigwyddiadau, a ddigwyddodd rhwng 12am a 10am, wedi’u cynnwys yn y data hyn.

• Talgrynnu wedi'i wneud:

  Canranau wedi eu cylchdroi i un lle degol

• Adroddiadau cysylltiedig:
  • Crynodeb perfformiad a gweithgaredd y GIG (Saesneg)
  • Crynodeb perfformiad a gweithgaredd y GIG: adroddiad ansawdd (Saesneg)
  • Crynodeb perfformiad a gweithgaredd y GIG (Cymraeg)
  • Crynodeb perfformiad a gweithgaredd y GIG: adroddiad ansawdd (Cymraeg)

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.iechyd@llyw.cymru