Amcangyfrifon poblogaeth yn ôl bwrdd iechyd lleol, blwyddyn, rhyw ac oedran
Disgwylir y diweddariad nesaf:Gorffennaf 2026
Diweddariadau
- 11eg Medi 2026
Mae'r diweddariad hwn yn cynnwys ychwanegu amcangyfrifon poblogaeth canol-blwyddyn 2025 ar gyfer byrddau iechyd lleol, ynghyd â diwygiadau i'r amcangyfrifon a gyhoeddwyd yn flaenorol ar gyfer canol blynyddoedd 2022 i 2024.
- 8fed Ebrill 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol achrededig
- Darparwr data
- Y Swyddfa Ystadegau Gwladol (y SYG)
- Ffynhonnell y data
- Amcangyfrifon poblogaeth canol-blwyddyn
- ID y set ddata
- f7c81eb8-cf29-4d14-b964-04c155527e4d
Trosolwg
- Crynodeb o’r set ddata a newidynnau
Mae'r set ddata hon yn darparu amcangyfrifon poblogaeth ar gyfer y byrddau iechyd lleol yng Nghymru, ar gyfer y cyfnod o ganol 2009 ymlaen yn ôl rhyw a blwyddyn oedran unigol.
Dylid nodi, ar gyfer canol 2020, fod rhai newidiadau diffiniadol, yn enwedig yn effeithio ar y cydrannau mudo, o'i gymharu â data amcangyfrifon poblogaeth canol 2019, a chynghorir defnyddwyr i ddarllen yr adran Gwybodaeth Ansawdd a Methodoleg ar wefan y Swyddfa Ystadegau Gwladol.
O 1 Ebrill 2019, symudodd darpariaeth gwasanaeth iechyd trigolion awdurdod lleol Pen-y-bont ar Ogwr o Abertawe Bro Morganwg i Gwm Taf. Am ragor o wybodaeth gweler y datganiad ar y cyd gan Fyrddau Iechyd Prifysgol Cwm Taf ac Abertawe Bro Morganwg (gweler y dolenni gwe). Mae enwau'r byrddau iechyd wedi newid gyda Bwrdd Iechyd Prifysgol Cwm Taf yn dod yn Fwrdd Iechyd Prifysgol Cwm Taf Morganwg a Bwrdd Iechyd Prifysgol Abertawe Bro Morganwg yn dod yn Fwrdd Iechyd Prifysgol Bae Abertawe.
Ar gyfer Cymru, amcangyfrifon poblogaeth canol 2021 yw'r amcangyfrifon poblogaeth cyntaf i fod yn seiliedig ar Gyfrifiad 2021.
Ar 23 Tachwedd 2023, ail-seiliwyd y set ddata o ganol 2012 i ganol 2020 ar gyfer Cymru a Lloegr i fod yn gyson â chanlyniadau Cyfrifiad 2021.
Ar 15 Gorffennaf 2024, diwygiwyd amcangyfrifon ar gyfer canol 2022 gan y Swyddfa Ystadegau Gwladol i ystyried amcangyfrifon wedi'u diweddaru o fudo rhyngwladol ar gyfer Cymru a Lloegr.
Ar 30 Gorffennaf 2025, diwygiwyd amcangyfrifon ar gyfer canol 2022 a chanol 2023 gan y Swyddfa Ystadegau Gwladol i ystyried amcangyfrifon wedi'u diweddaru o fudo rhyngwladol ar gyfer Cymru a Lloegr.
Ar 29 Gorffennaf 2026, diwygiwyd amcangyfrifon ar gyfer canol 2022, canol 2023 a chanol 2024 gan y Swyddfa Ystadegau Gwladol i adlewyrchu amcangyfrifon wedi'u diweddaru o fudo rhyngwladol ar gyfer Cymru a Lloegr. Mae amcangyfrifon mudo mewnol ar gyfer canol 2023 wedi’u cynhyrchu gan ddefnyddio dull gwahanol i flynyddoedd blaenorol, yn dilyn newid i’r newidynnau sydd ar gael yn nata’r Asiantaeth Ystadegau Addysg Uwch.
- Cyfrifo neu gasglu data
Mae'r Swyddfa Ystadegau Gwladol (y SYG) yn cyhoeddi amcangyfrifon poblogaeth canol blwyddyn ar gyfer Cymru a Lloegr gyfan. Mae rhagor o wybodaeth am sut mae'r data'n cael eu cyfrifo ar gael ar wefan y SYG. Mae dolen i'w gweld yn yr adran dolenni gwe.
- Ansawdd ystadegol
Mae'r SYG yn cyhoeddi amcangyfrifon poblogaeth canol blwyddyn ar gyfer Cymru a Lloegr gyfan. Mae rhagor o wybodaeth am ansawdd ystadegol ar gael ar wefan y SYG. Gellir dod o hyd i ddolen yn yr adran dolenni gwe.
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.poblogaeth@llyw.cymru