Lluosyddion economaidd dangosol, 2022 (tablau mewnbwn-allbwn)

Hidlwyr

Byddwch yn gallu newid y dewisiadau hidlo ar ôl i chi ddewis sut i weld y data.
Diwydiant
58 o 58 wedi'u dewis
Nid oes gwerthoedd yn cyfateb â'ch chwiliad
Blwyddyn
1 o 1 wedi'u dewis
Nid oes gwerthoedd yn cyfateb â'ch chwiliad
Math o luosydd neu effaith
2 o 2 wedi'u dewis
Nid oes gwerthoedd yn cyfateb â'ch chwiliad
Disgrifiad o’r data

Mae hyn yn nodi beth mae gwerth data yn ei gynrychioli

8 o 8 wedi'u dewis
Nid oes gwerthoedd yn cyfateb â'ch chwiliad

Dewis sut i weld y data

Bydd gofyn i chi ddewis un newidyn ar gyfer colofnau'r tabl, ac un arall ar gyfer y rhesi
Bydd y data yn cael ei ddangos gyda cholofnau ar gyfer pob un o'r newidynnau yn y set ddata, gyda gwerth data ar gyfer pob cyfuniad o newidynnau

Disgwylir y diweddariad nesaf:Ni ddisgwylir i'r set ddata hon gael ei diweddaru, ond disgwylir iddi gael ei disodli yn y dyfodol

Diweddariadau

23ain Gorffennaf 2026
Set ddata a gyhoeddwyd gyntaf.

Prif wybodaeth

Dynodiad
Ystadegau swyddogol yn cael eu datblygu
Darparwr data 1
Llywodraeth Cymru
Ffynhonnell y data 1
Arolwg Amaethyddol Mis Mehefin
Darparwr data 2
Llywodraeth Cymru
Ffynhonnell y data 2
Tablau cyflenwad a defnydd a thablau mewnbwn-allbwn
Darparwr data 3
Y Swyddfa Ystadegau Gwladol (y SYG)
Ffynhonnell y data 3
Arolwg o'r Llafurlu (LFS)
Darparwr data 4
Y Swyddfa Ystadegau Gwladol (y SYG)
Ffynhonnell y data 4
Arolwg Cyflogaeth y Gofrestr Fusnes (BRES)
Cyfnod amser dan sylw
Ionawr 2022 i Rhagfyr 2022
ID y set ddata
f6c539e8-8fd6-4b7d-9062-39ab1fc70b10

Trosolwg

Crynodeb o’r set ddata a newidynnau

Beth yw lluosyddion ac effeithiau

Gellir defnyddio lluosyddion ac effeithiau i amcangyfrif effeithiau uniongyrchol ac anuniongyrchol newid i allbwn diwydiant gan ddefnyddio ystod o fesuriadau economaidd (ac aneconomaidd).

Beth sydd yn y set ddata hon

Mae'r set ddata hon yn cynnwys lluosyddion Math 1 a Math 2 ar gyfer cynnyrch economaidd, GVA a chyflogaeth.

Mae'r ddau fath yn mesur effeithiau uniongyrchol ac anuniongyrchol, tra bod lluosyddion Math 2 hefyd yn cymryd i ystyriaeth yr effeithiau a ysgogwyd gan newid i incwm cyflogaeth.

Beth sydd angen i chi wybod

Mae lluosyddion a’r effeithiau cysylltiedig yn dibynnu ar nifer o dybiaethau wedi’u symleiddio y dylai defnyddwyr eu deall cyn cymhwyso’r canlyniadau mewn dadansoddiadau. Anogir yn gryf i ddefnyddwyr adolygu’r erthygl ystadegol ategol sy’n amlinellu’r tybiaethau hyn.

Cyfrifo neu gasglu data

Sut y cyfrifir y lluosyddion

Mae'r lluosyddion a'r effeithiau a gyflwynir yn y set ddata hon yn deillio o'r tablau mewnbwn-allbwn ar gyfer Cymru. Mae adroddiad methodoleg sy'n disgrifio sut y lluniwyd y tablau ar gael ar wefan Llywodraeth Cymru.

Mae'r dull o gynhyrchu lluosyddion ac effeithiau cynnyrch economaidd, GVA, a chyflogaeth yn dilyn yn fras y dull a amlinellir yn Miller and Blair (2019) (Gwasg Prifysgol Caergrawnt).

Nodyn ar effeithiau a ysgogwyd

Un manylyn pwysig ym methodoleg Math 2 yw’r ffordd y caiff cyfernodau gwariant aelwydydd eu cyfrifo.

Yn hytrach na rhannu gwariant treuliant aelwydydd â chyfanswm y golofn, rydym yn ei rannu â chyfanswm incwm aelwydydd o bob ffynhonnell. Yn 2022, £89,095 miliwn oedd yr enwadur a ddefnyddiwyd, sef swm adnoddau cynradd ac eilradd o gyhoeddiad Incwm Aelwydydd Gros i’w Wario y Swyddfa Ystadegau Gwladol.

Mae'r dull hwn yn adlewyrchu'r ffaith nad yw holl dreuliant aelwydydd yn cael ei ariannu gan incwm a enillwyd. Mae cyfran sylweddol yn cael ei ariannu trwy incwm na enillwyd, megis pensiynau, difidendau, a throsglwyddiadau eraill. Byddai cynnwys y ffynonellau hyn yn y cylch adborth yn chwyddo effaith incwm a enillwyd mewn modd artiffisial wrth ysgogi rhagor o wariant gan aelwydydd.

Nodyn ar amcangyfrifon cyflogaeth

Dim ond ar gyfer dadansoddiadau mewnbwn-allbwn y dylid defnyddio'r amcangyfrifon cyflogaeth cyfwerth ag amser llawn (FTE) a gyflwynir yn y set ddata hon.

Mae amcangyfrifon o nifer y gweithwyr cyflogedig yn deillio o Arolwg Cyflogaeth y Gofrestr Fusnes (BRES) (ONS). Ategir y rhain gan ddata NOMIS ar hunangyflogaeth a swyddi Lluoedd EF yng Nghymru. Cymerir amcangyfrifon cyflogaeth ym maes amaeth yn uniongyrchol o Arolwg Amaethyddol a Garddwriaethol Llywodraeth Cymru.

Defnyddir pwysyn syml o 0.5 ar gyfer gweithwyr rhan-amser i ganfod amcangyfrifon cyfwerth ag amser llawn.

Ansawdd ystadegol

Sut mae’r tablau hyn yn cymharu â’r cyhoeddiadau blaenorol

Ni ddylid cymharu’r lluosyddion a’r effeithiau hyn gyda chyhoeddiad 2019, gan fod y dulliau a’r ffynonellau data sy’n sail i’r tablau mewnbwn-allbwn wedi eu haddasu’n sylweddol.

Beth yw’r prif gyfyngiadau

Mae dadansoddiadau mewnbwn-allbwn gan ddefnyddio lluosyddion yn enghraifft o fodelu ecwilibriwm rhannol. Ni chaiff newidiadau i strwythur yr economi ar yr ochr gyflenwi eu modelu. Mae gan hyn nifer o oblygiadau pwysig y dylid eu hystyried wrth ddehongli’r data.

Mae’n bwysig nodi y bydd y lluosyddion a gyflwynir yma yn tueddu i or-ddweud yr effeithiau anuniongyrchol, ond ni fydd maint y gor-ddweud yn hysbys. Mae dadansoddi gan ddefnyddio lluosyddion a’r tablau mewnbwn-allbwn yn gweithio orau pan fo maint yr effeithiau'n gymharol fach o’i gymharu â maint y diwydiannau perthnasol (a’u gweithluoedd) ar yr ochr gyflenwi.

Gellir dod o hyd i ragor o wybodaeth am ansawdd y data, methodoleg, a chyngor ar ddefnydd priodol o’r data yn yr erthygl ystadegol ategol. Anogir yn gryf i ddefnyddwyr adolygu’r ddogfen hon cyn gwneud unrhyw ddadansoddiadau gan ddefnyddio'r data.

Mae'r lluosyddion a'r effeithiau wedi eu seilio ar y tablau mewnbwn-allbwn ar gyfer Cymru. Fel ystadegau swyddogol o dan ddatblygiad, mae rhai agweddau o’r broses o greu’r tablau lle mae'r data yn llai cadarn. Manylir ar y cyfyngiadau hyn yn yr adroddiad methodoleg sydd wedi’i gyhoeddi ar wefan Llywodraeth Cymru.

Adroddiadau cysylltiedig

Cyhoeddwyd gan

Sefydliad
Llywodraeth Cymru
E-bost cysylltu
tablaumewnbwnallbwn@llyw.cymru