Penawdau Allbwn Fferm yn ôl Math o Fferm a Blwyddyn
Disgwylir y diweddariad nesaf:Ionawr 2027
Diweddariadau
- 22ain Ionawr 2026
Diweddarwyd y set ddata hon ar 22 Ionawr ac mae data 2024-25 wedi’i ychwanegu.
- 14eg Ionawr 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Llywodraeth Cymru
- Ffynhonnell y data
- Arolwg Busnes Fferm, Cymru
- Cyfnod amser dan sylw
- Ebrill 2020 i Mawrth 2025
Trosolwg
- Crynodeb o’r set ddata a newidynnau
Mae'r Allbwn Safonol (SO) yn fesur ariannol a ddefnyddir i ddosbarthu'r math o fferm. Mae allbynnau safonol yn mesur cyfanswm gwerth allbwn unrhyw fenter - y pen ar gyfer da byw a fesul hectar ar gyfer cnydau. Ar gyfer da byw, mae'n golygu gwerth y prif gynnyrch (llaeth, wyau, cig oen, porc) ynghyd â gwerth unrhyw gynnyrch eilaidd (llo, gwlân) llai y gost amnewid. Ar gyfer cnydau, mae'n golygu gwerth y prif gynnyrch (e.e. gwenith, haidd, pys) ynghyd ag unrhyw sgil-gynnyrch sy'n cael ei werthu, er enghraifft, gwellt. Mewn geiriau eraill, SO cynnyrch amaethyddol yw gwerth ariannol cyfartalog yr allbwn amaethyddol fesul uned ar brisiau gât y fferm.
- Cyfrifo neu gasglu data
Arolwg Busnes Fferm, Llywodraeth Cymru. Mae canlyniadau ystadegol yr Arolwg Busnes Fferm yng Nghymru yn cael eu cynhyrchu a’u cyhoeddi’n flynyddol gan Sefydliad y Gwyddorau Biolegol, Amgylcheddol a Gwledig (IBERS), Prifysgol Aberystwyth.
Dewisir ffermydd ar hap o ffurflenni Cyfrifiad Mehefin i ddarparu sampl gynrychioladol o 550 o ffermydd yng Nghymru sy’n cynnwys y prif fathau. Anfonir llythyron at gyfranogwyr posibl ac os bydd y ffermwr yn cytuno, trefnir dyddiad ymweld drwy ffonio. Yn ystod yr ymweliad recriwtio, nodir maint y fferm, y system ffermio, nifer y stoc agoriadol a’r manylion banc, yn ogystal â gwybodaeth arall sy’n berthnasol.
- Ansawdd ystadegol
Gall ystadegau a gynhyrchir o'r un data gan IBERS fod yn wahanol mewn rhai agweddau i'r rhai yn y datganiad ystadegol hwn. Mae'r gwahaniaethau yn codi'n bennaf o'r canlynol:
Pwysoli: mae'r ystadegau yn y datganiad hwn wedi'u pwysoli i gynrychioli'r boblogaeth (busnesau fferm sydd ag Allbwn Safonol o €25,000 o leiaf). Fodd bynnag, mae'r ystadegau a gynhyrchir gan IBERS heb eu pwysoli, felly maent yn cynrychioli'r ffermydd sydd wedi'u cynnwys yn y sampl yn unig. Sampl union yr un fath rhwng blynyddoedd: Mae rhai o'r ystadegau a gyhoeddir gan IBERS ar gyfer sampl union yr un fath rhwng blynyddoedd (ffermydd sydd wedi'u cynnwys yn y sampl am ddwy flynedd yn olynol). Nid yw pob fferm wedi'i chynnwys yn y sampl am ddwy flynedd yn olynol. Felly, mae'r sampl union yr un fath rhwng blynyddoedd yn cynnwys llai o ffermydd ar gyfer pob blwyddyn, felly gall canlyniadau'r grŵp hwn o ffermydd amrywio.
Daw'r sampl ar gyfer yr Arolwg o Fusnesau Ffermio yn bennaf o'r busnesau ffermio hynny yng Nghymru sydd ag Allbwn Safonol (SO) o €25,000 o leiaf, yn seiliedig ar weithgarwch a gofnodwyd yn Arolwg o’r Cyfrifiad Amaethyddol a Garddwrol y mis Mehefin blaenorol. Felly, ni fydd y canlyniadau a adroddir yma yn gynrychiadol o ddaliadau bach iawn a rhan-amser.
- Talgrynnu wedi'i wneud
Mae ffigurau cyfartalog fesul fferm wedi cael eu talgrynnu i'r £100 agosaf, felly mae'n bosibl na fydd y ffigurau wedi'u talgrynnu yn cyd-fynd yn union â'r cyfansymiau.
- Adroddiadau cysylltiedig
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.amaeth@llyw.cymru