Genedigaethau byw sengl yn ôl pwysau geni, grŵp ethnig, hyd beichiogrwydd, rhyw a chwintel MALlC

Disgwylir y diweddariad nesaf:Awst 2026

Diweddariadau

• 4ydd Awst 2026:

  Mae’r diweddariad hwn yn cynnwys data’r flwyddyn ddiweddaraf ac yn cynnwys diwygiadau i ddata’r flwyddyn flaenorol. Mae pob diwygiad wedi’i nodi â’r cod nodyn [r]

• 19eg Rhagfyr 2025: Set ddata a gyhoeddwyd gyntaf.

Prif wybodaeth

• Dynodiad: Ystadegau swyddogol achrededig
• Darparwr data: Iechyd a Gofal Digidol Cymru (DHCW)
• Ffynhonnell y data: Cronfa Ddata Genedlaethol ar Iechyd Plant Cymunedol (NCCHD)
• Cyfnod amser dan sylw: Ionawr 2011 i Rhagfyr 2025
• ID y set ddata: dffa216c-41bf-41c6-a93b-93ec494312d8

Trosolwg

• Crynodeb o’r set ddata a newidynnau:

  Nifer y genedigaethau byw sengl wedi’u dadansoddi yn ôl pwysau geni, grŵp ethnig, hyd beichiogrwydd, rhyw a chwintel Mynegai Amddifadedd Lluosog Cymru (MALlC).

  Mae’r ystadegau hyn yn deillio o’r Gronfa Ddata Genedlaethol ar Iechyd Plant Cymunedol (NCCHD). Darperir y ffynonellau data hyn i Lywodraeth Cymru gan Iechyd a Gofal Digidol Cymru. Mae NCCHD yn cynnwys cofnodion dienw ar gyfer pob plentyn a gafodd ei eni, a fu’n preswylio neu a gafodd driniaeth yng Nghymru ac a gafodd ei eni ar ôl 1987. Mae’r gronfa ddata yn dwyn ynghyd ddata o gronfeydd data lleol y System Iechyd Plant Cymunedol sy’n cael eu cadw gan fyrddau iechyd lleol. Prif swyddogaeth y gronfa ddata yw darparu cofnod ar-lein o iechyd a gofal plentyn o’r adeg y caiff ei eni nes bydd yn cyrraedd oed gadael ysgol.

  Mae’r ystadegau yn y datganiad hwn yn seiliedig ar y data a gofnodwyd adeg genedigaeth ac yn fuan wedi genedigaeth.

  Mae manylion llawn pob eitem ddata sydd ar gael yn y set ddata Dangosyddion Mamolaeth a’r Gronfa Ddata Genedlaethol ar Iechyd Plant Cymunedol ar gael yng Ngeiriadur Data GIG Cymru.

  Gellir cofnodi genedigaethau byw fel senglau (un babi wedi’i eni), neu fel lluosogion (efeilliaid, trilliadau neu fwy o fabanod wedi’u geni).

  Mae’r geiriadur data hefyd yn diffinio sut y mae grwpiau ethnig yn cael eu dosbarthu, fel a ganlyn:

  • Gwyn (unrhyw gefndir Gwyn)
  • Asiaidd (Pacistanaidd, Bangladeshaidd, Tsieineaidd, Indiaidd, ac unrhyw gefndir Asiaidd arall)
  • Cymysg/amlethnig (Gwyn ac Asiaidd, Gwyn a Du Affricanaidd, Gwyn a Du Caribïaidd, ac unrhyw gefndir cymysg arall)
  • Arall (unrhyw grŵp ethnig arall)
  • Du (Affricanaidd, Caribïaidd, ac unrhyw gefndir Du arall).
• Cyfrifo neu gasglu data:

  Mae’r Gronfa Ddata Genedlaethol ar Iechyd Plant Cymunedol yn cynnwys cofnodion ar gyfer pob plentyn sydd wedi’i eni, sy’n preswylio neu sy’n defnyddio gwasanaethau yn eu byrddau iechyd perthnasol. Mae hyn yn golygu bod y gronfa ddata yn cynnwys rhywfaint o wybodaeth ar gyfer rhai plant nad ydynt yn preswylio yng Nghymru ar hyn o bryd. Fodd bynnag, oni nodir yn wahanol, mae’r holl ystadegau a gynhyrchir o ddata o’r gronfa ddata hon yn cael eu hidlo i gynnwys dim ond y plant hynny sydd wedi’u geni yng Nghymru. Mae hefyd yn golygu bod data ar gael ar gyfer mamau sy’n byw yng Nghymru a roddodd enedigaeth yn Lloegr.

  Mae NCCHD yn cofnodi genedigaethau byw a marw-enedigaethau, fodd bynnag, dim ond at enedigaethau byw y mae’r dadansoddiad hwn yn cyfeirio.

• Ansawdd ystadegol:

  Nid oes unrhyw faterion penodol o ran ansawdd ystadegol mewn perthynas â’r data hwn.

• Adroddiadau cysylltiedig:
  • Ystadegau mamolaeth a genedigaethau
  • Ystadegau mamolaeth a genedigaethau: adroddiad ansawdd
  • Datganiad Ysgrifenedig: Ffin y byrddau iechyd ym Mhen-y-bont ar Ogwr: cynllunio cysylltiol

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.iechyd@llyw.cymru