Cofrestrau clefydau yn ôl bwrdd iechyd lleol, clwstwr a phractis meddyg teulu
Disgwylir y diweddariad nesaf:Gorffennaf 2026
Diweddariadau
- 4ydd Rhagfyr 2025
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Iechyd a Gofal Digidol Cymru (DHCW)
- Ffynhonnell y data
- Audit+
- Cyfnod amser dan sylw
- Medi 2020 i Ebrill 2025
Trosolwg
- Crynodeb o’r set ddata a newidynnau
Mae'r ciwb StatsCymru hwn yn darparu data ar nifer y cleifion sydd ar gofrestrau clefydau, nifer cyffredinol y cleifion sydd wedi'u cofrestru mewn meddygfeydd a chyfraddau achosion clefydau, gan ddefnyddio data cofrestr clefydau. Dyma restrau o gleifion sydd wedi cofrestru gyda meddygfeydd sydd wedi cael diagnosis o gyflyrau meddygol penodol.
- Cyfrifo neu gasglu data
Caiff y wybodaeth a gyflwynir yma ei darparu i Lywodraeth Cymru gan Iechyd a Gofal Digidol Cymru.
Cyn 30 Medi 2022, roedd yn ofynnol i bractisau meddygon teulu gynnal cofrestrau clefydau fel rhan o'r Fframwaith Sicrhau Ansawdd a Gwella (QAIF). Ers 1 Hydref 2023, mae cynnal yr un cofrestrau clefydau wedi bod yn ofyniad cytundebol craidd ar gyfer practisau meddygon teulu. Newid gweinyddol yn unig yw'r newid hwn ac ni ddylai effeithio ar ansawdd y data.
Mae'r data a gyflwynir yn cyfeirio at un adeg benodol. Oherwydd newidiadau i QAIF dros amser, nid yw'r dyddiadau cyfeirio yn union yr un fath ym mhob blwyddyn. Mae'r data ar gyfer 2020, 2021 a 2022 yn berthnasol i 30 Medi; mae'r data ar gyfer 2023 yn berthnasol i 1 Hydref; ac mae'r holl ddata o 2024 ymlaen yn berthnasol i 1 Ebrill.
Mae data ar gyfer 2023 ymlaen wedi'u hechdynnu gan ddefnyddio'r system Audit+, sy'n defnyddio gwybodaeth yn uniongyrchol o systemau meddygon teulu. Cyn hyn, darparwyd data cofrestrau clefydau fel rhan o adnodd QAIF, gan yr oedd yn ofynnol i bob practis ddarparu data o'r fath drwy'r adnodd hwn, tra nad oedd yn ofynnol iddynt ddefnyddio Audit+. Ers i ddata cofrestrau clefydau ddod yn ofyniad cytundebol craidd yn hytrach nag yn un o ofynion QAIF, mae data wedi'u hechdynnu gan ddefnyddio Audit+.
Mae data ar gyfer cleifion ag unrhyw gyflwr cronig a chleifion ag unrhyw gyflwr iechyd meddwl ar gael o 1 Ebrill 2025 ymlaen.
Claf yw unigolyn sydd ag un neu fwy o gyflyrau cronig os yw'n cael ei gofnodi gydag un neu fwy o'r cyflyrau canlynol:
- Epilepsi
- Clefyd Cronig yr Arennau
- Clefyd Rhwystrol Cronig yr Ysgyfaint
- Clefyd Coronaidd y Galon
- Strôc a Phwl o Isgemia Dros Dro
- Clefyd y Rhydwelïau Perifferol
- Diabetes mellitus (gan gynnwys diabetes math 1, diabetes math 2 ar gyfer cleifion 17 oed a hŷn a phob diabetes arall ar gyfer cleifion 17 oed a hŷn)
Claf yw unigolyn ag un neu fwy o gyflyrau iechyd meddwl os yw'n cael ei gofnodi gydag un neu fwy o'r cyflyrau a restrir isod. Sylwch fod hyn yn wahanol i'r gofrestr clefydau ‘iechyd meddwl’ gan ei fod yn cynnwys mân gyflyrau iechyd meddwl fel iselder.
- Dementia
- Iechyd meddwl (mae hyn yn cyfeirio at y gofrestr clefydau iechyd meddwl ac yn cwmpasu cyflyrau difrifol yn unig fel sgitsoffrenia)
- Iselder
- Iselder ysbryd (pan fydd gan gleifion gofnod o iselder ysbryd a phresgripsiwn amlroddadwy gweithredol am wrth-iselydd)
- Anhwylder gorbryder (gan gynnwys anhwylderau panig)
Caiff cyfraddau cyffredinrwydd eu diffinio fel y cleifion sydd ar y gofrestr ar gyfer clefyd penodol, fel canran o'r holl gleifion sydd wedi'u cofrestru â phractis meddyg teulu:
Nifer y cleifion ar gofrestr y clefyd / Nifer y cleifion sydd wedi'u cofrestru â phractis meddyg teulu * 100 Ar gyfer y pum cofrestr clefyd oed-benodol a ganlyn, mae'r enwadur a ddangosir uchod yn cyfrif cleifion cofrestredig o'r oedran penodedig gan ddefnyddio'r data ar gyfer y grŵp oedran ar gyfer 2023 ymlaen, gyda rhywfaint o amcangyfrif. Cyn hyn, addaswyd yr enwadur o'r echdyniadau data QAIF (nad oeddent yn cynnwys data grŵp oedran) drwy amcangyfrif nifer y cleifion sydd wedi'u cofrestru â phractis meddyg teulu ar gyfer yr oedran perthnasol (yn hytrach na'r boblogaeth gyfan), gan ddefnyddio'r amcangyfrifon poblogaeth canol blwyddyn.
- Diabetes mellitus (17+ oed)
- Epilepsi (18+ oed)
- Osteoporosis (50+ oed)
- Arthritis Gwynegol (16+ oed)
- Gordewdra (16+ oed)
- Ansawdd ystadegol
Tynnwyd y data cyflwr cronig ac iechyd meddwl ar 1 Hydref 2025 gan Iechyd a Gofal Digidol Cymru ond adroddwyd arno ar 1 Ebrill 2025 i gyd-fynd â data'r gofrestr clefydau unigol. Mae practisau a gaeodd rhwng 2 Ebrill a 1 Hydref 2025 (W97063 a W93643) wedi'u heithrio. Hefyd, er i'r clystyrau ‘Gogledd Torfaen’ a ‘De Torfaen’ uno i ffurfio ‘Torfaen’ ar 1 Hydref 2025, adlewyrchir ffiniau'r clwstwr cyn uno yn y data.
Gwybodaeth am y ddarpariaeth 2020: Caiff 100% o bractisau meddygon teulu eu cynnwys yn nata'r Fframwaith Sicrhau a Gwella Ansawdd ar gyfer 2019-20; mae'r data yn seiliedig ar bob un o'r 399 o bractisau gweithredol ar 30 Medi 2020. Fodd bynnag, daw data Audit+ o 395 allan o 397 o bractisau gweithredol ar 14 Rhagfyr, gan nad oedd dau bractis a ddarparodd ddata ar gofrestrau clefydau'r Fframwaith Sicrhau a Gwella Ansawdd yn gallu darparu data Audit+. 2021: Mae data’r Fframwaith Sicrhau a Gwella Ansawdd yn seiliedig ar 391 o’r 392 o bractisau gweithredol ar 30 Medi 2021. Nid yw data ar gael ar gyfer W97036. Mae data Audit+ yn seiliedig ar 390 o’r 392 o bractisau gweithredol ym mis Hydref 2021. 2022: Mae 100% o bractisau meddyg teulu wedi’u cynnwys yn nata’r Fframwaith Sicrhau a Gwella Ansawdd ar gyfer 2021-22; mae’r data yn seiliedig ar y 386 o bractisau gweithredol ar 30 Medi 2022. Mae data Audit+ hefyd yn seiliedig ar bob un o’r 386 practis.
2023: Yn 2023, cyflwynodd pob practis heblaw am un (W97048) ddata.
2024: Yn 2024, cyflwynodd pob practis ddata.
2025: Yn 2025, cyflwynodd pob practis ddata.
- Talgrynnu wedi'i wneud
Caiff cyfraddau cyffredinrwydd eu talgrynnu i un lle degol.
- Adroddiadau cysylltiedig
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.iechyd@llyw.cymru