Cydrannau newid poblogaeth amcanestyniadau poblogaeth sy'n seiliedig ar 2018 yn ôl awdurdod lleol a blwyddyn

Disgwylir y diweddariad nesaf:Ni ddisgwylir i'r set ddata hon gael ei diweddaru, ond disgwylir iddi gael ei disodli yn y dyfodol

Diweddariadau

• 17eg Gorffennaf 2026: Set ddata a gyhoeddwyd gyntaf.

Prif wybodaeth

• Dynodiad: Ystadegau swyddogol achrededig
• Darparwr data 1: Llywodraeth Cymru
• Ffynhonnell y data 1: Amcanestyniadau poblogaeth ar gyfer awdurdodau lleol yng Nghymru
• Darparwr data 2: Y Swyddfa Ystadegau Gwladol (y SYG)
• Ffynhonnell y data 2: Amcanestyniadau poblogaeth cenedlaethol ar gyfer Cymru
• Darparwr data 3: Y Swyddfa Ystadegau Gwladol (y SYG)
• Ffynhonnell y data 3: Amcangyfrifon poblogaeth canol-blwyddyn
• ID y set ddata: d7aa0731-b341-4628-8bfb-66929a424e71

Trosolwg

• Crynodeb o’r set ddata a newidynnau:

  Mae'r set ddata hon yn darparu'r cydrannau newid sy'n rhan o gyfrifo'r amcanestyniadau poblogaeth ar gyfer awdurdodau lleol yng Nghymru. Mae'r data'n cwmpasu'r newid rhwng pob blwyddyn amcanestyniad olynol ac yn ymwneud â'r newid o ganol pob blwyddyn i ganol y flwyddyn ganlynol. Mae data'r flwyddyn gyntaf yn cynrychioli'r newid o'r flwyddyn sylfaen o ganol 2018 i ganol 2019, trwy gyfnod yr amcanestyniad i ddangos y newid ar gyfer canol 2042 i ganol 2043.

  Dim ond ar gyfer y prif amcanestyniad y cyhoeddir y cydrannau newid.

• Cyfrifo neu gasglu data:

  Cynhyrchir yr amcanestyniadau poblogaeth ar gyfer Cymru gan Wasanaethau Gwybodaeth a Dadansoddi, Llywodraeth Cymru.

  Mae’r amcanestyniadau poblogaeth sy’n seiliedig ar 2018 yn darparu ystadegau ynglŷn â maint a strwythur oedran posibl poblogaeth awdurdodau lleol yng Nghymru yn y dyfodol. Mae’r amcanestyniadau hyn wedi eu disodli gan yr amcanestyniadau poblogaeth sail-2022, sy’n seiliedig ar amcangyfrifon poblogaeth mwy diweddar a thueddiadau demograffig hyd at ganol 2022.

  Datblygwyd y fethodoleg ar y cyd â grŵp Amcanestyniadau Is-genedlaethol Cymru (WaSP). Mae aelodau WaSP yn cynnwys cynrychiolwyr sydd â phrofiad o ddata demograffig a thai o awdurdodau lleol Cymru, Data Cymru a Llywodraeth Cymru.

  Nid yw'r amcanestyniadau poblogaeth awdurdodau lleol hyn wedi'u cyfyngu i amcanestyniadau poblogaeth cenedlaethol y Swyddfa Ystadegau Gwladol (y SYG). Mae hyn yn golygu nad yw cyfanswm amcanestyniadau poblogaeth awdurdodau lleol yn cyfateb i’r amcanestyniadau poblogaeth cenedlaethol. Dylai defnyddwyr sydd â diddordeb mewn amcanestyniadau poblogaeth ar lefel Cymru ddefnyddio amcanestyniadau poblogaeth cenedlaethol y SYG.

  Gall amcanestyniadau poblogaeth fod yn wahanol i amcangyfrifon poblogaeth sydd eisoes wedi eu cyhoeddi nawr ac yn y dyfodol agos. Rydym yn argymell defnyddio'r amcangyfrifon poblogaeth canol blwyddyn diweddaraf ar gyfer pob blwyddyn lle maent ar gael.

  Mae’r amcanestyniadau poblogaeth awdurdodau lleol hyn yn seiliedig ar amcangyfrifon poblogaeth canol blwyddyn ar gyfer 2018 ar gyfer awdurdodau lleol yng Nghymru. Mae’r holl amcanestyniadau yn cyfeirio at y boblogaeth ar 30 Mehefin yn y flwyddyn gyfeirio.

  Cafodd yr amcanestyniadau hyn eu creu gan ddefnyddio amcangyfrifon poblogaeth oedd ar gael ar y pryd, ac nid ydynt wedi’u diweddaru i adlewyrchu’r amcangyfrifon poblogaeth a ail-sylfaenwyd yn sgil Cyfrifiad 2021. Dylai defnyddwyr felly gyfeirio at yr amcanestyniadau ac amcangyfrifon poblogaeth mwy diweddar lle bo’r rhain ar gael.

• Ansawdd ystadegol:

  Gweler y datganiad ystadegol o amcanestyniadau poblogaeth awdurdodau lleol trwy ddilyn y dolenni gwe.

• Adroddiadau cysylltiedig:
  • Amcanestyniadau poblogaeth awdurdodau lleol yn seiliedig ar 2018
  • Amcanestyniadau is-genedlaethol o'r boblogaeth, amrywiolion ychwanegol: sail-2018
  • Bwletin amcangyfrifon poblogaeth canol blwyddyn, y Swyddfa Ystadegau Gwladol
  • Amcanestyniadau poblogaeth cenedlaethol yn seiliedig ar 2018

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.poblogaeth@llyw.cymru