Amcanestyniadau aelwydydd yn seiliedig ar 2022 yn ôl awdurdod lleol, math o aelwyd, blwyddyn ac amrywiolyn
Disgwylir y diweddariad nesaf:Ni ddisgwylir i'r set ddata hon gael ei diweddaru, ond disgwylir iddi gael ei disodli yn y dyfodol
Diweddariadau
- 20ain Tachwedd 2025
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol achrededig
- Darparwr data 1
- Llywodraeth Cymru
- Ffynhonnell y data 1
- Amcanestyniadau poblogaeth ar gyfer awdurdodau lleol yng Nghymru
- Darparwr data 2
- Y Swyddfa Ystadegau Gwladol (y SYG)
- Ffynhonnell y data 2
- Cyfrifiad 2001
- Darparwr data 3
- Y Swyddfa Ystadegau Gwladol (y SYG)
- Ffynhonnell y data 3
- Cyfrifiad 2011
- Darparwr data 4
- Y Swyddfa Ystadegau Gwladol (y SYG)
- Ffynhonnell y data 4
- Cyfrifiad 2021
Trosolwg
- Crynodeb o’r set ddata a newidynnau
Mae'r set ddata hon yn dangos amcanestyniadau aelwydydd ar gyfer Cymru. Mae'n rhoi syniad o'r nifer a mathau o aelwydydd yn y dyfodol. Mae'r amcanestyniadau ar gael ar gyfer y cyfnod 2022 i 2047. Nid ydynt yn rhagfynegiad na rhagolwg o faint o dai y dylid eu hadeiladu yn y dyfodol. Yn hytrach, maent yn dangos beth allai ddigwydd os bydd tueddiadau'r gorffennol yn parhau.
Mae'r set ddata yn cynnwys niferoedd yr aelwydydd a amcanestynnir ar gyfer pob canol blwyddyn ac ardal. Mae math o aelwyd yn disgrifio cyfansoddiad yr aelwyd, fel nifer y bobl ac a oes plant ai peidio.
Ar gyfer yr amrywiolion, mae prif amcanestyniad a phum amcanestyniad amrywiadol yn ychwanegol. Mae'r amrywiolion hyn yn seiliedig ar wahanol dybiaethau ynglŷn â thueddiadau ffrwythlondeb, marwolaethau a mudo. Maent yn cynnwys amrywiolion poblogaeth isel, poblogaeth uchel, mudo cyfartalog 10 mlynedd, mudo cyfartalog 15 mlynedd a dim mudo.
- Cyfrifo neu gasglu data
Cynhyrchir yr amcanestyniadau aelwydydd ar gyfer Cymru gan Wasanaethau Gwybodaeth a Dadansoddi, Llywodraeth Cymru. Datblygwyd y dulliau ar y cyd â grŵp Amcanestyniadau Is-genedlaethol Cymru (WaSP). Mae aelodau WaSP yn cynnwys cynrychiolwyr sydd â phrofiad o ddata demograffig a thai o awdurdodau lleol Cymru, Data Cymru a Llywodraeth Cymru.
Mae amcanestyniadau aelwydydd yn destun ansicrwydd ac yn seiliedig ar ragdybiaethau am dueddiadau yn y dyfodol o ran y boblogaeth a mathau o aelwydydd. Nid rhagolygon yw’r amcanestyniadau hyn. Nid ydynt yn ceisio rhagweld yr effaith y gallai polisïau’r llywodraeth yn y dyfodol, newid mewn amgylchiadau economaidd, na chwaith ffactorau eraill fel nifer y cartrefi a adeiladir, ei chael ar nifer yr aelwydydd. Yn hytrach, maent yn dangos faint o aelwydydd ychwanegol fyddai’n cael eu ffurfio pe bai poblogaeth Cymru yn parhau i newid fel y gwnaeth rhwng canol 2018 a chanol 2022, ac yn parhau i ffurfio aelwydydd fel y gwnaeth rhwng 2001, 2011 a 2021.
Mae’r amcanestyniadau aelwydydd hyn yn defnyddio data am gyfraddau aelodaeth aelwydydd o’r cyfrifiadau poblogaeth diweddaraf sydd ar gael ac yn eu cymhwyso i’r amcanestyniadau o boblogaeth awdurdodau lleol diweddaraf.
Rydym wedi gwneud rhai newidiadau i'r dulliau ar gyfer cyfrifo'r amcanestyniadau hyn. Ceir rhagor o wybodaeth yn y datganiad amcanestyniadau aelwydydd awdurdod lleol.
Gall amcanestyniadau aelwydydd fod yn wahanol i amcangyfrifon aelwydydd sydd eisoes wedi eu cyhoeddi nawr ac yn y dyfodol agos. Rydym yn argymell defnyddio'r amcangyfrifon aelwydydd diweddaraf ar gyfer pob blwyddyn lle maent ar gael.
- Ansawdd ystadegol
Mae'r amcanestyniadau aelwydydd yn seiliedig ar dybiaethau am dueddiadau'r dyfodol. Nid rhagolygon ydynt a byddant yn wahanol i'r amcangyfrifon gwirioneddol yn y dyfodol.
Am ragor o wybodaeth ynglŷn ag ansawdd yr ystadegau, gweler y datganiad ystadegol sydd yn yr 'Adroddiadau cysylltiedig'. Mae'r datganiad hwn yn egluro'r dulliau, y rhagdybiaethau ac unrhyw gyfyngiadau.
- Talgrynnu wedi'i wneud
Mae'r amcanestyniadau aelwydydd wedi'u talgrynnu i'r rhif cyfan agosaf.
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.poblogaeth@llyw.cymru