Atgyfeiriadau cleifion allanol, Ebrill 2012 ymlaen

Cynnwys

Disgwylir y diweddariad nesaf:21 Mai 2026

Diweddariadau

23ain Ebrill 2026: Mis newydd wedi'i ychwanegu a diwygiadau wedi'u cymhwyso i ddata blaenorol lle bo'n berthnasol.
19eg Mawrth 2026: Mis newydd wedi'i ychwanegu a diwygiadau wedi'u cymhwyso i ddata blaenorol lle bo'n berthnasol
19eg Chwefror 2026: Mis newydd wedi'i ychwanegu a diwygiadau wedi'u cymhwyso i ddata blaenorol lle bo'n berthnasol.
22ain Ionawr 2026: Mis newydd wedi'i ychwanegu a diwygiadau wedi'u cymhwyso i ddata blaenorol lle bo'n berthnasol.
18fed Rhagfyr 2025: Mis newydd wedi'i ychwanegu a diwygiadau wedi'u cymhwyso i ddata blaenorol lle bo'n berthnasol.
21ain Tachwedd 2025
23ain Hydref 2025: Set ddata a gyhoeddwyd gyntaf.

Prif wybodaeth

Dynodiad: Ystadegau swyddogol achrededig
Darparwr data: Iechyd a Gofal Digidol Cymru (DHCW)
Ffynhonnell y data: Set Ddata Atgyfeiriad Cleifion Allanol (OPR)
Cyfnod amser dan sylw: Ebrill 2012 i Chwefror 2026

Trosolwg

Crynodeb o’r set ddata a newidynnau

Mae'r tabl hwn yn darparu cyfanswm yr atgyfeiriadau cleifion allanol a wneir bob mis.

Mae 'atgyfeiriadau gan feddygon teulu' yn cwmpasu atgyfeiriadau gan Ymarferwyr Meddygol Cyffredinol ac Ymarferwyr Deintyddol Cyffredinol.

Mae'r data ar Atgyfeiriadau yn y Set Ddata Atgyfeiriadau Cleifion Allanol (OPR DS) yn cael eu hailgyflwyno bob mis. O ganlyniad, mae data yn y datganiad ac yn StatsCymru yn cael eu diwygio i adlewyrchu hyn. Mae effaith y diwygiadau i'w gweld yn y datganiad diweddaraf.

Cyfrifo neu gasglu data

I weld yr wybodaeth hon, dilynwch y ddolen i'r datganiad ystadegol perthnasol.

Ym mis Ebrill 2016, cyflwynwyd codau swyddogaeth triniaeth newydd, ond ni chawsant eu defnyddio'n gyson ar draws yr holl Fyrddau Iechyd Lleol i ddechrau; er enghraifft, efallai y bydd cleifion a gafodd lawdriniaeth fasgwlaidd wedi'u cofnodi naill ai o dan "Llawdriniaeth Gyffredinol" neu "Llawdriniaeth Fasgwlaidd". Er mwyn lleihau ansicrwydd a gwneud y cyfrif yn fwy dibynadwy, dilëwyd y codau swyddogaeth triniaeth newydd dros dro a chofnodwyd swyddogaethau triniaeth o dan y penawdau mwy cyffredinol hyd nes y cadarnhawyd bod y swyddogaethau triniaeth wedi'u cofnodi'n gyson ar draws yr holl Fyrddau Iechyd Lleol. Cafodd hyn ei roi ar waith yn ôl i fis Ebrill 2016.

Nid yw'r codau triniaethau newydd a gyhoeddwyd ym mis Ebrill 2016 wedi cael eu defnyddio'n gyson gan fyrddau iechyd felly, hyd yn hyn, mae unrhyw ddata a gyflwynwyd ar gyfer cod newydd wedi'u hailgodio yn unol â chodau cyn mis Ebrill 2016. Fodd bynnag, ers mis Mehefin 2019 mae rhai byrddau iechyd wedi cyflwyno data ar gyfer y cod triniaeth Ffisioleg Anadlol newydd, a fydd yn cael eu cyhoeddi i adlewyrchu'r cyfnod peilot presennol ar gyfer adrodd ar y gwasanaeth anhwylder anadlu mewn cwsg. Sylwch, er bod y data yn cael eu cyhoeddi i gefnogi'r cynllun peilot hwn, nid yw byrddau iechyd yn adrodd ar y data mewn ffordd gyson o hyd, felly rydym yn awgrymu y dylid bod yn ofalus wrth ddefnyddio'r data hyn.

O 1 Ebrill 2019 ymlaen, symudodd darpariaeth y gwasanaeth iechyd ar gyfer preswylwyr awdurdod lleol Pen-y-bont ar Ogwr o Abertawe Bro Morgannwg i Gwm Taf. Newidiwyd enwau'r byrddau iechyd; daeth Bwrdd Iechyd Prifysgol Cwm Taf yn Fwrdd Iechyd Prifysgol Cwm Taf Morgannwg a daeth Bwrdd Iechyd Prifysgol Abertawe Bro Morgannwg yn Fwrdd Iechyd Prifysgol Bae Abertawe. Am ragor o wybodaeth, cyfeiriwch at y datganiad gan y Gweinidog Iechyd a Gwasanaethau Cymdeithasol (gweler 'Adroddiadau Cysylltiedig').

Adroddwyd am atgyfeiriadau ar gyfer Awdioleg o fis Mai 2022 ymlaen.

Adroddwyd am atgyfeiriadau ar gyfer y Gwasanaeth Asesu Dementia o fis Awst 2022 ymlaen.

Adroddwyd am atgyfeiriadau ar gyfer Llawdriniaeth Bodiatreg o fis Ebrill 2023 ymlaen.

Adroddwyd am atgyfeiriadau ar gyfer Optometreg o fis Hydref 2023 ymlaen.

Adroddwyd am atgyfeiriadau ar gyfer Epilepsi Pediatrig o fis Tachwedd 2023 ymlaen.

Adroddwyd am atgyfeiriadau ar gyfer Gastroenteroleg Bediatrig, Dermatoleg Bediatrig, a Meddygaeth Diabetes Pediatrig o fis Rhagfyr 2023 ymlaen.

Adroddwyd am atgyfeiriadau ar gyfer y Gwasanaeth Anhwylderau Bwyta o fis Awst 2025 ymlaen.

Ansawdd ystadegol

I weld yr wybodaeth hon, dilynwch y ddolen i'r datganiad ystadegol perthnasol.

Sylwch fod y data a gynhwysir yn y set ddata hon yn cwmpasu cyfnod o amser yn ystod pandemig y coronafeirws (COVID-19), a effeithiodd ar y ffordd y cynigiwyd rhai o wasanaethau'r GIG yn ogystal â dewisiadau pobl o ran gwasanaethau iechyd. Gweler y datganiad diweddaraf am ragor o wybodaeth.

Ers mis Ebrill 2016, bu newid yn y codau swyddogaeth triniaeth a gyflwynwyd gan y byrddau iechyd lleol; mae hyn yn cynnwys rhoi'r gorau i'r swyddogaeth triniaeth nyrsio. Er bod y newidiadau eraill yn debygol o arwain at symudiadau rhwng gwahanol godau, mae'r swyddogaeth triniaeth nyrsio yn effeithio ar BILl Prifysgol Cwm Taf yn arbennig gan mai hwn oedd yr unig fwrdd iechyd i gyflwyno nifer mawr o atgyfeiriadau ar gyfer y cod hwnnw (o gwmpas 2,000 ym mis Mawrth 2016, sef y mis diwethaf pan gafodd data eu cyflwyno).

Yn flaenorol, gelwid 'Niwroffisioleg Glinigol' yn 'Obstetreg (ar gyfer cleifion sy'n defnyddio gwely)'. Cyn mis Ebrill 2016, cofnodwyd rhai atgyfeiriadau cleifion allanol yn anghywir o dan y swyddogaeth triniaeth hon. Mewn achosion eraill, efallai bod y diffiniad o 'gleifion sy'n defnyddio gwely' wedi cael ei gamddehongli.

Mewn ymateb i bandemig COVID-19, sefydlodd Cwm Taf Morgannwg god gwasanaeth newydd i gofnodi profion gwrthgyrff ac ymchwil yn y maes. Arweiniodd hyn at gynnydd yn nifer yr atgyfeiriadau ar gyfer clefydau heintus ym mis Gorffennaf 2020.

Ni wnaeth Hywel Dda gyflwyno unrhyw ddata ar gyfer codau triniaeth iechyd meddwl o fis mis Awst 2020 ymlaen oherwydd y prosiect Mudo Iechyd Meddwl. Yn y misoedd ar ôl y pandemig, roedd hyn yn cyfrif am rhwng 90 a 180 o atgyfeiriadau, ond cyn y pandemig, byddai hyn wedi cyfrif am oddeutu 240 o atgyfeiriadau y mis.

Adroddiadau cysylltiedig

Cyhoeddwyd gan

Sefydliad: Llywodraeth Cymru
E-bost cysylltu: ystadegau.iechyd@llyw.cymru