Y Gwasanaeth Anhwylderau Cyffredin: atgyfeiriadau ymlaen yn ôl anhwylder a lleoliad
Disgwylir y diweddariad nesaf:2027
Diweddariadau
- 12fed Mawrth 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Partneriaeth Cydwasanaethau GIG Cymru
- Ffynhonnell y data
- Gwasanaethau Presgripsiwn
- Cyfnod amser dan sylw
- Ebrill 2024 i Mawrth 2025
Trosolwg
- Crynodeb o’r set ddata a newidynnau
Mae’r set ddata hon yn dangos atgyfeiriadau a wnaed gan fferyllwyr yn dilyn cynnal ymgynghoriad drwy’r Gwasanaeth Anhwylderau Cyffredin. Gellir gwneud atgyfeiriadau at wasanaethau’r GIG gan gynnwys ymarferwyr cyffredinol, deintyddion, optometryddion, adrannau achosion brys, ymarferwyr cyffredinol y tu allan i oriau, a darparwyr eraill y GIG fel ymwelwyr iechyd a chiropodyddion. Nid yw pob ymgynghoriad yn arwain at atgyfeiriad, a chaiff y data hyn hefyd eu cynnwys yn y tabl.
Cyflwynir data yn ôl anhwylder a lleoliad atgyfeirio.
Cyfrifir canrannau ar gyfer pob anhwylder. Mae hyn yn golygu mai’r rhifolyn yw nifer yr atgyfeiriadau a wnaed i bob lleoliad fesul anhwylder, wedi’i rannu â nifer yr ymgyngoriadau a gynhaliwyd ar gyfer yr anhwylder penodol. Mae’r newidynnau fel a ganlyn: Blwyddyn – y flwyddyn ariannol lle y cofnodwyd yr ymgynghoriad ynddi. Anhwylder – y cyflwr a aseswyd o dan y Gwasanaeth Anhwylderau Cyffredin. Lleoliad atgyfeirio – y gwasanaeth y cyfeiriwyd cleifion ato, er enghraifft practis ymarfer cyffredinol neu adran achosion brys. Nifer yr atgyfeiriadau - nifer yr ymgyngoriadau a gynhaliwyd ar gyfer anhwylder a arweiniodd at atgyfeiriad at leoliad penodol. Canran yr ymgyngoriadau a atgyfeiriwyd – canran yr holl ymgyngoriadau ar gyfer yr anhwylder hwnnw a arweiniodd at atgyfeiriad at y lleoliad hwnnw.
- Cyfrifo neu gasglu data
Bob tro y cynhelir ymgynghoriad drwy’r gwasanaeth anhwylderau cyffredin, caiff cofnod ei greu ar system fferylliaeth gymunedol Cymru gyfan. Os yw’r ymgynghoriad yn arwain at atgyfeiriad, caiff ei gofnodi ar yr un cofnod. Darperir data ar gyfer pob ymgynghoriad fel cofnod unigol. Mae’r data yn y tablau hyn yn seiliedig ar y data a ddarparwyd ac felly’n cynnwys yr holl ymgyngoriadau a gynhaliwyd yn ystod y flwyddyn. Ni wneir unrhyw addasiadau i’r data ac ni chymhwysir unrhyw fesurau rhag-weld na modelu.
- Ansawdd ystadegol
Mae’r data yn seiliedig ar gofnodion gweinyddol. Maent yn adlewyrchu gweithgarwch a gofnodwyd gan fferyllwyr ym mhob ymgynghoriad. Cynhyrchir ystadegau gan ddefnyddio’r data fel y’u cofnodwyd yn yr ymgynghoriad. Gall hyn arwain at nifer bach o anhwylderau neu leoliadau atgyfeirio yn cael eu cofnodi’n anghywir. Gan nad oes unrhyw ffordd ymarferol o wirio manylion ymgyngoriadau, ni chaiff addasiadau eu gwneud i gofnodion sy’n ymddangos fel eu bod wedi’u codio’n anghywir. Mae ansawdd y data yn dibynnu ar gofnodi cywir ar systemau fferyllfeydd. Gall gwahaniaethau lleol mewn arferion cofnodi effeithio ar gymharedd rhwng ardaloedd neu flynyddoedd. Gall newidiadau i gwmpas gwasanaethau neu ganllawiau clinigol effeithio ar dueddiadau dros amser. Gall niferoedd bach fod yn destun rheolaethau datgelu.
- Adroddiadau cysylltiedig
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.iechyd@llyw.cymru