Babanod a dderbyniodd unrhyw laeth y fron yn 10 diwrnod oed, yn ôl ardal Dechrau’n Deg ac awdurdod lleol
Disgwylir y diweddariad nesaf:Hydref 2027
Diweddariadau
- 23ain Medi 2026
Mae’r diweddariad hwn yn cynnwys data’r flwyddyn ddiweddaraf. Mae'r diweddariad hwn yn cynnwys newid i deitl y set ddata.
- 15fed Medi 2026
Tynnwyd y côd llaw fer [t] o’r data
- 8fed Hydref 2025
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Iechyd a Gofal Digidol Cymru (DHCW)
- Ffynhonnell y data
- Cronfa Ddata Genedlaethol ar Iechyd Plant Cymunedol (NCCHD)
- Cyfnod amser dan sylw
- Ionawr 2016 i Rhagfyr 2025
- ID y set ddata
- 7271f10f-a55a-4869-b3f1-c3b8b99edad3
Trosolwg
- Crynodeb o’r set ddata a newidynnau
Mae'r set ddata hon yn darparu data bwydo ar y fron ar gyfer babanod sy'n troi'n 10 diwrnod oed sy'n byw mewn ardaloedd Dechrau'n Deg ac ardaloedd nad ydynt yn rhai Dechrau'n Deg wedi'u rhannu yn ôl awdurdod lleol. Mae hyn yn ôl blwyddyn galendr (mis Ionawr i fis Rhagfyr). Mae data bwydo ar y fron ar ddiwrnod 10 yn cael eu cofnodi yn y Gronfa Ddata Genedlaethol ar Iechyd Plant Cymunedol ac yn cyfeirio at gofnodion lle cofnodwyd unrhyw fwydo ar y fron. Mae hyn yn cynnwys babanod a fwydwyd yn gyfan gwbl ar laeth y fron a'r rhai a fwydwyd trwy gyfuniad o laeth y fron a llaeth potel.
Rhaglen Llywodraeth Cymru ar gyfer y blynyddoedd cynnar yw Dechrau'n Deg, a ddarperir gan awdurdodau lleol sy'n cynnig cymorth i deuluoedd â phlant pedair oed ac iau, yn enwedig mewn ardaloedd difreintiedig, gyda'r nod o wella canlyniadau i blant a'u teuluoedd.
Mae’r rhaglen yn darparu pecyn o gymorth sy'n cynnwys gofal plant rhan-amser a ariennir o safon i blant 2 oed; cymorth rhianta; cymorth gwell gan ymwelwyr iechyd; a chymorth gwasanaethau lleferydd, iaith a chyfathrebu.
Cafodd Dechrau’n Deg ei lansio yn 2006, a cafodd pob un o bedair elfen Dechrau'n Deg ei ehangu i fwy o deuluoedd ym mis Medi 2022.
- Cyfrifo neu gasglu data
Prif ffynhonnell y data a ddefnyddiwyd yn y datganiad ystadegol hwn yw’r Gronfa Ddata Genedlaethol ar Iechyd Plant Cymunedol. Mae’r Gronfa Ddata Genedlaethol ar Iechyd Plant Cymunedol yn cynnwys cofnodion dienw ar gyfer yr holl blant a anwyd yng Nghymru, yr holl blant sy’n byw yng Nghymru neu’r holl blant sydd wedi’u trin yng Nghymru ac a anwyd ar ôl 1987. Mae’r set ddata’n cyfuno data a gynhwysir yng nghronfeydd data’r System Iechyd Plant Cymunedol leol a gedwir gan fyrddau iechyd lleol.
Mae ‘unrhyw laeth o’r fron’ yn cynnwys babanod sy’n cael cyfuniad o laeth (llaeth y fron a llaeth artiffisial) yn ogystal â’r rheini sy’n derbyn llaeth y fron yn unig (dim byd arall heblaw dwr).
Dim ond cofnodion y gwyddys eu statws bwydo ar y fron a gaiff eu cofnodi yng nghyfrifiadau'r gyfradd.
Mae rhagor o wybodaeth am ffynonellau data a newidiadau i ddarpariaeth gwasanaethau Dechrau'n Deg oherwydd y pandemig ar gael yn yr adran adroddiad ansawdd.
- Ansawdd ystadegol
Mae data bwydo ar y fron ar bob adeg yn destun problemau o ran ansawdd data gan fod gan rai mamau a babanod gofnodion anghyflawn. Caiff data ynghylch bwydo ar y fron ar ddiwrnod 10 eu casglu yn ystod apwyntiadau ymwelydd iechyd a rhai meddyg teulu drwy Raglen Plant Iach Cymru. Pe na bai’r plentyn yn cael cyswllt o’r fath, mae’n bosibl y bydd data’r plentyn ynghylch bwydo ar y fron ar goll ar gyfer y pwynt cyswllt hwnnw.
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.iechyd@llyw.cymru