Enillion canolrifol yr awr a gwahaniaeth cyflog rhwng enillion fesul awr gweithwyr yn ôl statws anabledd yng Nghymru a'r DU

Hidlwyr

Byddwch yn gallu newid y dewisiadau hidlo ar ôl i chi ddewis sut i weld y data.
Blwyddyn
12 o 12 wedi'u dewis
Nid oes gwerthoedd yn cyfateb â'ch chwiliad
Geograffeg
2 o 2 wedi'u dewis
Nid oes gwerthoedd yn cyfateb â'ch chwiliad
Disgrifiad o’r data

Mae hyn yn nodi beth mae gwerth data yn ei gynrychioli

4 o 4 wedi'u dewis
Nid oes gwerthoedd yn cyfateb â'ch chwiliad

Dewis sut i weld y data

Bydd gofyn i chi ddewis un newidyn ar gyfer colofnau'r tabl, ac un arall ar gyfer y rhesi
Bydd y data yn cael ei ddangos gyda cholofnau ar gyfer pob un o'r newidynnau yn y set ddata, gyda gwerth data ar gyfer pob cyfuniad o newidynnau

Disgwylir y diweddariad nesaf:Ebrill 2027

Diweddariadau

14eg Mai 2026
Set ddata a gyhoeddwyd gyntaf.

Prif wybodaeth

Dynodiad
Ystadegau swyddogol
Darparwr data
Y Swyddfa Ystadegau Gwladol (y SYG)
Ffynhonnell y data
Arolwg Blynyddol o’r Boblogaeth (APS)
Cyfnod amser dan sylw
Ionawr 2014 i Rhagfyr 2025

Trosolwg

Crynodeb o’r set ddata a newidynnau

Mae'r tabl hwn yn darparu amcangyfrifon o'r enillion canolrifol fesul awr a'r gwahaniaethau cyflog rhwng enillion canolrifol fesul awr yn achos gweithwyr 16 i 64 oed yn ôl anabledd yng Nghymru a'r DU.

Cyfrifo neu gasglu data

Mae Llywodraeth Cymru yn derbyn y diffiniad cymdeithasol o anabledd, sy'n cydnabod bod rhwystrau mewn cymdeithas yn gallu analluogi pobl sydd ag amhariad neu gyflwr iechyd, neu sy'n defnyddio Iaith Arwyddion Prydain. Mae’r APS yn cipio data yn ystod y cyfweliad yn seiliedig ar Ddeddf Cydraddoldeb 2010 sy’n defnyddio’r diffiniad meddygol o anabledd ('amhariad corfforol neu feddyliol sy’n cael effaith sylweddol a hirdymor ar allu person i wneud gweithgareddau o ddydd i ddydd').

Mae amcangyfrifon o enillion canolrifol yr awr a gwahaniaethau cyflog yn ôl statws anabledd yn seiliedig ar weithwyr rhwng 16 a 64 oed oherwydd y ffordd y cesglir data anabledd ar gyfer y rhai o dan 16 oed a'r rhai 65 oed a hŷn.

Cyfrifir canrannau gwahaniaethau cyflog ar sail anabledd drwy rannu’r gwahaniaeth mewn enillion canolrifol fesul awr rhwng gweithwyr anabl a gweithwyr nad ydynt yn anabl â’r enillion canolrifol fesul awr ar gyfer gweithwyr nad ydynt yn anabl.

Mae gweithwyr yn y dadansoddiad hwn yn cyfeirio at yr holl weithwyr, gan gynnwys y rhai sy'n gweithio'n llawn amser neu'n rhan-amser.

Ansawdd ystadegol

Mae’r data yn amcangyfrifon a seilir ar samplau sy'n deillio o arolwg ac felly’n destun gwahanol raddfeydd o amrywioldeb samplu, h.y. mae gwir werth unrhyw fesur i'w weld mewn ystod amrywiol o bob tu'r gwerth a amcangyfrifir. Mae'r ystod hon neu’r amrywioldeb samplu yn cynyddu wrth i'r manylion yn y data gynyddu, er enghraifft byddai data awdurdodau lleol unigol yn destun amrywioldeb uwch na data Cymru.

Mae'r APS wedi gweld gostyngiad ym maint samplau dros y blynyddoedd diwethaf ac nid yw'r arolwg wedi'i ail-bwysoli eto yn unol â'r amcangyfrifon diweddaraf o'r boblogaeth. Mae'n dal yn briodol defnyddio'r ystadegau hyn, ond dylai defnyddwyr nodi’r ansicrwydd uwch ynghylch amcangyfrifon sy’n deillio o’r Arolwg Blynyddol o’r Boblogaeth (APS). Ar lefel genedlaethol, mae amcangyfrifon yn parhau i ddarparu arwydd rhesymol o dueddiadau ar gyfer Cymru. Er hynny, mae amcangyfrifon ar gyfer ardaloedd daearyddol llai neu is-grwpiau o'r boblogaeth yn llai dibynadwy.

I gael rhagor o wybodaeth am ansawdd amcangyfrifon y farchnad lafur o dan APS a'n cyngor ar ddefnyddio'r ystadegau hyn, gweler ein datganiad diweddaraf Ystadegau'r farchnad lafur (Arolwg Blynyddol o'r Boblogaeth).

Talgrynnu wedi'i wneud

Mae canrannau gwahaniaethau cyflog wedi'u talgrynnu i un lle degol.

Adroddiadau cysylltiedig

Cyhoeddwyd gan

Sefydliad
Llywodraeth Cymru
E-bost cysylltu
ystadegau.marchnadlafur@llyw.cymru