Eitemau presgripsiwn a chostau yn ôl cwintelau amddifadedd clwstwr
Disgwylir y diweddariad nesaf:Medi 2027
Diweddariadau
- 16eg Gorffennaf 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Partneriaeth Cydwasanaethau GIG Cymru
- Ffynhonnell y data
- Gwasanaethau Presgripsiwn
- Cyfnod amser dan sylw
- Ebrill 2023 i Mawrth 2026
- ID y set ddata
- 65b420dd-57e4-41ec-8b3d-21463dde5d2e
Trosolwg
- Crynodeb o’r set ddata a newidynnau
Mae'r set ddata hon yn seiliedig ar eitemau sy'n cael eu presgripsiynu gan unrhyw aelod o staff practis cyffredinol yn Nghymru sy'n gymwys i wneud hynny, sy'n cael eu cyflenwi wedyn yn y gymuned yn y DU.
Mae 'eitemau' yn cyfeirio at bob un eitem wahanol o feddyginiaeth neu gyfarpar a restrir ar bresgripsiwn, waeth beth fo'r swm neu'r cyfaint. Dim ond eitemau sy'n cael eu cyflenwi sy'n cael eu cyfrif.
Cost net cynhwysion, wedi'i mesur mewn punnoedd sterling, yw cost sylfaenol yr eitem, cyn unrhyw ffioedd ychwanegol (er enghraifft, ffioedd cyflenwi i fferyllfeydd) neu ostyngiadau (adfachiadau'r GIG).
Defnyddir poblogaeth gofrestredig practisau cyffredinol ar gyfer mesurau poblogaeth, gan fod yr eitemau'n cael eu presgripsiynu i boblogaeth practisau cyffredinol yn hytrach nag i boblogaeth gyffredinol Cymru.
Ffordd gydweithredol o ddarparu gwasanaethau iechyd yng Nghymru yw clwstwr, sy'n dwyn ynghyd wasanaethau a ddarperir gan bractisau cyffredinol, gwasanaethau gofal sylfaenol eraill, nyrsys ardal, gwasanaethau cymdeithasol a'r trydydd sector. Nid yw clystyrau'n seiliedig ar union ardaloedd daearyddol, ond maent yn dod â darparwyr gwasanaeth cyfagos at ei gilydd. Mynegai Amddifadedd Lluosog Cymru (MALlC) yw'r dull swyddogol o fesur amddifadedd mewn ardaloedd bach yng Nghymru. Mae amddifadedd clwstwr yn seiliedig ar y mesur canlynol: y ganran o boblogaeth y clwstwr sy'n byw yn ardaloedd mwyaf difreintiedig Cymru, wedi'i mesur gan MALlC.
Mae Cwintel 1 yn cynnwys y 13 o glystyrau sydd â'r ganran uchaf o'u poblogaeth yn byw mewn ardal o amddifadedd. Mae Cwintel 5 yn cynnwys clystyrau sydd â'r ganran isaf o'u poblogaeth yn byw mewn ardal o amddifadedd.
Dim ond practisau cyffredinol y gallwn aseinio presgripsiynau iddynt yn hyderus sydd wedi’u cynnwys yn y set ddata hon. Felly, gall nifer yr eitemau a’r costau cysylltiedig fod yn wahanol ar gyfer y set ddata hon o’i chymharu â setiau data presgripsiynau eraill. Mae’r rhain yn cynnwys nifer cymharol fach o eitemau (llai na 0.5% o’r cyfanswm) a gafodd eu presgripsiynu mewn lleoliadau contractwyr gofal sylfaenol, fel gwasanaethau ymataliaeth arbenigol, carchardai a gorsafoedd heddlu.
Mae’r set ddata hon yn defnyddio amddifadedd yn ôl clwstwr meddygon teulu ym mlwyddyn olaf y flwyddyn ariannol (er enghraifft, 2026 ar gyfer blwyddyn ariannol 2025 i 2026), sy’n golygu y bydd data clwstwr meddygon teulu yn adlewyrchu poblogaethau a chwintelau sydd ychydig y tu hwnt i’r flwyddyn ariannol.
- Cyfrifo neu gasglu data
Daw'r data am bresgripsiynau i law oddi wrth Wasanaethau Presgripsiynu Partneriaeth Cydwasanaethau GIG Cymru ac maent yn seiliedig ar yr wybodaeth ar ffurflenni presgripsiwn a anfonir gan bresgripsiynwyr i gael eu talu.
Gwasanaeth Data Cyfeirio a Therminoleg Cymru (WRTS) yn Iechyd a Gofal Digidol Cymru sy'n gyfrifol am gynnal rhestrau o glystyrau, a cheir dull chwilio i baru pob practis cyffredinol â chlwstwr.
Caiff clystyrau eu dyrannu i gwintelau amddifadedd yn seiliedig ar y dull a ddisgrifir yn yr erthygl ystadegol hon: https://www.llyw.cymru/poblogaeth-gweithlu-clwstwr-practisau-cyffredinol-gofal-sylfaenol-yn-ol-amddifadedd-ar-31-rhagfyr-2021
- Ansawdd ystadegol
Mae nodiadau manwl, cefndir a diffiniadau i'w gweld yn y datganiad ystadegol a'r adroddiad ansawdd cysylltiedig.
- Adroddiadau cysylltiedig
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.iechyd@llyw.cymru