Eitemau a bresgripsiynir drwy bractisau cyffredinol yn ôl pennod BNF a bwrdd iechyd
Disgwylir y diweddariad nesaf:Ni ddisgwylir i'r set ddata hon gael ei diweddaru, na'i disodli yn y dyfodol
Diweddariadau
- 16eg Gorffennaf 2026
Mae’r set ddata hon wedi’i harchifo oherwydd bod data bellach ar gael yn ‘Eitemau presgripsiwn a chost yn ôl bwrdd iechyd, clwstwr, pennod BNF a blwyddyn’. Mae’n bosibl y bydd amrywiadau bach rhwng y ddwy set ddata o ran nifer presgripsiynau yn ôl bwrdd iechyd, gan fod y ciwb hwn yn cynnwys nifer bach o bresgripsiynau na allwn eu mapio’n hyderus i fwrdd iechyd, ond a oedd wedi’u mapio o’r blaen.
- 6ed Hydref 2025
- 30ain Medi 2025
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol
- Darparwr data
- Partneriaeth Cydwasanaethau GIG Cymru
- Ffynhonnell y data
- Gwasanaethau Presgripsiwn
- Cyfnod amser dan sylw
- Ebrill 2001 i Mawrth 2026
- ID y set ddata
- 49c297c3-43ab-4708-bf1b-531b32386069
Trosolwg
- Crynodeb o’r set ddata a newidynnau
Mae'r set ddata hon yn seiliedig ar eitemau sy'n cael eu presgripsiynu gan unrhyw aelod o staff practis cyffredinol yn Nghymru sy'n gymwys i wneud hynny, sy'n cael eu cyflenwi wedyn yn y gymuned yn y DU.
Mae 'eitemau' yn cyfeirio at bob un eitem wahanol o feddyginiaeth neu gyfarpar a restrir ar bresgripsiwn, waeth beth fo'r swm neu'r cyfaint. Dim ond eitemau sy'n cael eu cyflenwi sy'n cael eu cyfrif.
Cost net cynhwysion, wedi'i mesur mewn punnoedd sterling, yw cost sylfaenol yr eitem, cyn unrhyw ffioedd ychwanegol (er enghraifft, ffioedd cyflenwi i fferyllfeydd) neu ostyngiadau (adfachiadau'r GIG).
Defnyddir poblogaeth gofrestredig practisau cyffredinol ar gyfer mesurau poblogaeth, gan fod yr eitemau'n cael eu presgripsiynu i boblogaeth practisau cyffredinol yn hytrach nag i boblogaeth gyffredinol Cymru. Mae'r ddau fesur hyn yn debyg ond mae rhai o drigolion Cymru wedi'u cofrestru â phractisau cyffredinol yn Lloegr, ac i'r gwrthwyneb.
Llyfr cyfeirio fferyllol yw Llyfr Fformiwlâu Cenedlaethol Prydain (BNF), sy'n cynnwys gwybodaeth a chyngor ar bresgripsiynu.
Mae pob eitem a bresgripsiynir yn cael ei chategoreiddio yn ôl pennod yn y Llyfr Fformiwlâu (er enghraifft, y brif system nerfol), adran (er enghraifft, poenliniaryddion), is-baragraff (er enghraifft, poenliniaryddion anopioid a pharatoadau compownd) ac enw cemegol (er enghraifft, paracetamol).
Mae’n bosibl y bydd amrywiadau bach yn nifer y presgripsiynau yn ôl bwrdd iechyd rhwng y set ddata hon ac ‘Eitemau presgripsiwn a chost yn ôl ardal, clwstwr meddygon teulu, pennod BNF a blwyddyn’, gan fod cyfansymiau byrddau iechyd y ciwb hwn yn cynnwys nifer bach o bresgripsiynau na allwn eu mapio’n hyderus i fwrdd iechyd, ond a oedd wedi’u mapio o’r blaen.
Mae nifer yr eitemau a gafodd eu presgripsiynu a’u costau cysylltiedig yn seiliedig ar y flwyddyn ariannol a gofnodwyd, a all mewn nifer dethol o achosion fod yn wahanol i’r flwyddyn a ysgrifennwyd.
O 1 Ebrill 2019 daeth byrddau iechyd Abertawe Bro Morgannwg a Chwm Taf i ben a chawsant eu disodli gan fyrddau iechyd Bae Abertawe a Chwm Taf Morgannwg.
- Cyfrifo neu gasglu data
Daw'r data am bresgripsiynau i law oddi wrth Wasanaethau Presgripsiynu Partneriaeth Cydwasanaethau GIG Cymru ac maent yn seiliedig ar yr wybodaeth ar ffurflenni presgripsiwn a anfonir gan bresgripsiynwyr i gael eu talu.
- Ansawdd ystadegol
Mae nodiadau manwl, cefndir a diffiniadau i'w gweld yn y datganiad ystadegol a'r adroddiad ansawdd cysylltiedig.
- Adroddiadau cysylltiedig
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.iechyd@llyw.cymru