Nifer y cysylltiadau ac asesiadau a gwblhawyd gan y gwasanaethau oedolion

Hidlwyr

Byddwch yn gallu newid y dewisiadau hidlo ar ôl i chi ddewis sut i weld y data.
Disgrifiad o’r data

Mae hyn yn nodi beth mae gwerth data yn ei gynrychioli

2 o 2 wedi'u dewis
Nid oes gwerthoedd yn cyfateb â'ch chwiliad
Mis
24 o 24 wedi'u dewis
Nid oes gwerthoedd yn cyfateb â'ch chwiliad
Awdurdod lleol
24 o 24 wedi'u dewis
Nid oes gwerthoedd yn cyfateb â'ch chwiliad

Dewis sut i weld y data

Bydd gofyn i chi ddewis un newidyn ar gyfer colofnau'r tabl, ac un arall ar gyfer y rhesi
Bydd y data yn cael ei ddangos gyda cholofnau ar gyfer pob un o'r newidynnau yn y set ddata, gyda gwerth data ar gyfer pob cyfuniad o newidynnau

Disgwylir y diweddariad nesaf:Ebrill 2026

Diweddariadau

24ain Ebrill 2026

Golygu i fetadata.

7fed Ebrill 2026

Diweddariad Chwefror 2026

6ed Mawrth 2026
Set ddata a gyhoeddwyd gyntaf.

Prif wybodaeth

Dynodiad
Ystadegau swyddogol yn cael eu datblygu
Darparwr data
Awdurdodau Lleol
Ffynhonnell y data
Data Capasiti a'r galw am Wasanaethau Cymdeithasol
Cyfnod amser dan sylw
Mawrth 2024 i Chwefror 2026

Trosolwg

Crynodeb o’r set ddata a newidynnau

Nifer y cysylltiadau ac asesiadau a gwblhawyd gan y gwasanaethau oedolion pob mis yn ôl awdurdod lleol o fis Mawrth 2024. Ffynhonnell y data yw'r casgliad Capasiti a Galw Gwasanaethau Cymdeithasol.

Defnyddir cysylltiadau fel dangosydd o alw gan fod mwy o gysylltiadau yn aml yn cydberthyn â dargyfeirio capasiti i ymyriadau ataliol neu frys, a all leihau argaeledd ar gyfer gwasanaethau sy'n gysylltiedig â rhyddhau. Mae hyn yn awgrymu y gall adnoddau sydd eu hangen i leihau oedi yn achos llwybrau gofal gael eu hamsugno fwyfwy mewn mannau eraill, naill ai oherwydd angen a gyflwynwyd neu ddewisiadau strategol i atal cynnydd yn y dyfodol.

Mae'r data Capasiti a Galw Gwasanaethau Cymdeithasol yn seiliedig ar y diffiniadau o wasanaethau a gynhwysir yn Neddf Gwasanaethau Cymdeithasol a Llesiant (Cymru) 2014. Datblygwyd y data Capasiti a Galw Gwasanaethau Cymdeithasol gydag awdurdodau lleol a rhanddeiliaid allweddol eraill yn 2020 mewn ymateb i'r angen i fonitro capasiti awdurdodau lleol yn ystod y pandemig COVID-19. Yna cafodd ei ddiwygio a'i adolygu yn 2022, i'r set ddata sydd bellach wedi'i chyhoeddi.

Bwriad cyhoeddi'r set ddata hon yw rhoi dealltwriaeth i ddefnyddwyr o lefel y galw am wasanaethau cymdeithasol ledled Cymru, a lefel y gwasanaethau gofal a chymorth a ddarperir gan awdurdodau lleol.

Mae'r set ddata hon wedi'i chyfyngu i'r gwasanaethau a ddarperir gan awdurdodau lleol ac felly nid yw'n cynnwys pobl sydd wedi cael mynediad at neu wedi ariannu eu gofal eu hunain heb ymyrraeth neu gymorth awdurdod lleol.

Cyfrifo neu gasglu data

Mae'r data Capasiti a Galw Gwasanaethau Cymdeithasol yn gasgliad data lefel cyfanredol a gyflwynir yn electronig gan awdurdodau lleol yn fisol i Lywodraeth Cymru, sy'n cwmpasu gwerth mis calendr o ddata.

Mae canllawiau manwl ar gael ar wefan Llywodraeth Cymru. Er bod awdurdodau lleol wedi cael canllawiau i gefnogi'r casgliad, oherwydd yr amrywiad lleol yn y cyflenwi, efallai na fydd y data yn gwbl gymharol rhwng awdurdodau lleol.

Mae'r data wedi'i ddilysu trwy ddefnyddio prosesau sicrhau ansawdd mewnol a thrwy ymgysylltu â'r darparwyr data i fynd i'r afael â materion ansawdd data. Mae Llywodraeth Cymru yn craffu data pob mis i archwilio am allanolynnau, data coll neu eitemau data anghyson.

Gofynnwyd am ganiatâd i gyhoeddi'r data hyn gan Gyfarwyddwyr Gwasanaethau Cymdeithasol o bob un o'r 22 awdurdod lleol ym mis Ionawr 2026.

Mae'r tabl hwn yn rhan o Gam 1 o gyhoeddi'r data Capasiti a Galw. Mae'r camau fel a ganlyn:

Cam 1: Capasiti'r System Gofal Cymdeithasol

  • Cyfanswm nifer y cysylltiadau a gafwyd gan y gwasanaethau oedolion
  • Nifer yr asesiadau a gwblhawyd gan y gwasanaethau oedolion
  • Nifer yr oedolion sy'n derbyn cymorth gyda llety cartref gofal hirdymor
  • Nifer yr oedolion sy'n cael gwasanaethau gofal cartref
  • Nifer yr oedolion sy'n cael gwasanaethau ailalluogi

Cam 2: Gwasanaethau plant a diogelu

  • Nifer y cysylltiadau a gafwyd gan y gwasanaethau plant
  • Nifer y cysylltiadau â’r gwasanaethau plant a arweiniodd at ymholiadau amddiffyn plant
  • Nifer y plant ar y Gofrestr Amddiffyn Plant
  • Nifer yr asesiadau a gwblhawyd gan y gwasanaethau plant
  • Nifer yr atgyfeiriadau/adroddiadau ar gyfer oedolion lle amheuir bod perygl o gamdriniaeth neu esgeulustod
  • Nifer y plant nad ydynt wedi’u lleoli ar hyn o bryd, neu mewn lleoliad tymor byr, ond sydd angen lleoliad hirdymor
  • Nifer y plant sydd wedi symud lleoliad o ganlyniad i sefyllfa annisgwyl

Cam 3: Aros am wasanaethau ac amseroedd aros

  • Nifer yr oedolion sy'n aros am asesiad gan wasanaethau oedolion
  • Nifer yr oedolion sy'n aros am wasanaethau gofal preswyl
  • Nifer yr oedolion sy'n aros am wasanaethau gofal cartref
  • Nifer yr oedolion sy'n aros am wasanaethau ailalluogi
  • Nifer yr oedolion mewn lleoliadau heb eu cynllunio/dros dro
  • Nifer yr oedolion sy'n aros mwy na thri mis am asesiad gan y gwasanaethau oedolion
  • Nifer yr oedolion sy'n aros mwy na thri mis am wasanaethau gofal preswyl
  • Nifer yr oedolion sy'n aros mwy na thri mis am wasanaethau gofal cartref
  • Nifer yr oedolion sy'n aros dros bythefnos am wasanaethau ailalluogi
Ansawdd ystadegol

Mae'r data wedi'i wirio gydag awdurdodau lleol cyn ei gyhoeddi. Bydd misoedd dilynol yn dilyn y broses ddilysu a ddisgrifir uchod. Oherwydd yr amserlenni byr sy'n gysylltiedig â chasglu a chyhoeddi'r set ddata, gellir gwneud diwygiadau i'r set ddata gyhoeddedig lle mae gwallau wedi'u nodi ar ôl ei chyhoeddi.

Mae'r set ddata Capasiti a Galw Gofal Gwasanaethau Cymdeithasol yn cael ei chynhyrchu o ddata gweinyddol awdurdodau lleol a'i chyhoeddi fel ystadegau swyddogol sy'n cael eu datblygu. Mae'r ystadegau newydd hyn yn cael eu datblygu wrth i ni weithio tuag at eu cynhyrchu o dan safonau'r Cod Ymarfer ar gyfer Ystadegau.

Mae unrhyw ddata coll yn cael ei briodoli gan ddefnyddio gwerth y darparwr o'r mis blaenorol, gan sicrhau parhad mewn cyfansymiau cenedlaethol a chefnogi defnydd dadansoddol parhaus. Gall y broses o adrodd data amrywio rhwng awdurdodau lleol, gyda llawer yn y broses o fabwysiadu offer adrodd newydd; gallai hyn arwain at beth oedi a/neu wallau wrth gyflwyno data.

Nid yw Wrecsam wedi gallu darparu data asesu a chysylltiadau ers mis Mehefin 2024. Nid yw amcangyfrifon wedi'u cynhyrchu ar gyfer Wrecsam.

Gall nifer y cysylltiadau a'r asesiadau ar gyfer blwyddyn adrodd fod yn wahanol i'r hyn a gyhoeddwyd fel rhan o'r allbynnau Gweithgaredd Gwasanaethau Cymdeithasol oherwydd gwahaniaethau yng ngofynion ac amlder adrodd a dilysu a gymhwysir i'r set ddata. Er bod data Capasiti a Galw Gwasanaethau Cymdeithasol yn darparu data mwy amserol, lle mae data yn cael ei gyhoeddi yn y ddwy set ddata, rydym yn argymell defnyddio ffigurau o'r set ddata Gweithgarwch Gwasanaethau Cymdeithasol. Rydym yn awgrymu defnyddio'r set ddata Gweithgarwch Gwasanaethau Cymdeithasol ar gyfer dadansoddi tueddiadau tymor hir.

Adroddiadau cysylltiedig

Cyhoeddwyd gan

Sefydliad
Llywodraeth Cymru
E-bost cysylltu
ystadegau.gwascymdeithasol@llyw.cymru