Gwerth meddyginiaethau a roddwyd mewn ysbytai yn ôl cyffur, cemegyn, pennod Llyfr Fformiwlâu Cenedlaethol Prydain (BNF) a blwyddyn

Disgwylir y diweddariad nesaf:Medi 2027

Diweddariadau

• 16eg Gorffennaf 2026: Set ddata a gyhoeddwyd gyntaf.

Prif wybodaeth

• Dynodiad: Ystadegau swyddogol yn cael eu datblygu
• Darparwr data: Iechyd a Gofal Digidol Cymru (DHCW)
• Ffynhonnell y data: System Rheoli Stoc Fferyllfa Ysbytai Cymru (WHPSMS)
• Cyfnod amser dan sylw: Ebrill 2024 i Mawrth 2026
• ID y set ddata: 4531a3a4-93d4-4d88-b114-e2679a21f4ea

Trosolwg

• Crynodeb o’r set ddata a newidynnau:

  Mae'r set ddata hon yn dangos gwerth (£) meddyginiaethau roddwyd mewn ysbytai. Dangosir y data yn ôl cyffur (er enghraifft, IVACAFTOR 150 mg Tablets), cemegyn (er enghraifft, Ivacaftor), pennod BNF (er enghraifft Respiratory System) a blwyddyn.

  Llyfr cyfeirio fferyllol yw Llyfr Fformiwlâu Cenedlaethol Prydain (BNF), sy'n cynnwys gwybodaeth a chyngor ar ragnodi. Mae pob eitem a ragnodir yn cael ei chategoreiddio yn ôl ei phennod BNF (er enghraifft, central nervous system). Mae hefyd yn cynnwys rhai meddyginiaethau nad ydynt wedi'u cynnwys yn y BNF, wedi'u categoreiddio ar wahân.

• Cyfrifo neu gasglu data:

  Mae data am gost meddyginiaethau a brynir mewn ysbytai yng Nghymru yn ategu data rhagnodi gofal sylfaenol ac yn helpu i roi darlun llawnach o ragnodi yng Nghymru. Ystadegau swyddogol o dan ddatblygiad yw'r rhain, gan mai dyma'r tro cyntaf i'r ffynhonnell hon gael ei defnyddio ar gyfer ystadegau swyddogol, ac mae prosesau sicrhau ansawdd wrthi'n cael eu datblygu.

  Mae data am feddyginiaethau mewn ysbytai yn dod o systemau rheoli stoc fferyllfeydd ac maent yn mesur cost y meddyginiaethau a brynir gan ysbytai yng Nghymru. Mae'r data yn cynnwys meddyginiaethau a roddwyd i gleifion a meddyginiaethau a gedwid mewn stoc yn ystod y cyfnod cyfeirio. Dim ond costau sy'n cael eu hadrodd, gan y gallai cyhoeddi manylion am miferoedd meddyginiaeth ochr yn ochr â'r costau ddatgelu gwybodaeth fasnachol sensitif.

  Mae'r data yn dod o'r ffeil gyflenwi, ac mae gwerthoedd yn cael eu cyfrifo gan ddefnyddio'r pris prynu a gofnodwyd yn fwyaf diweddar ar gyfer pob eitem. Pan fo eitemau wedi'u hanfonebu, bydd y gwerth yn adlewyrchu'r pris anfonebu diweddaraf ac unrhyw ddisgowntiau cysylltiedig. Os nad anfonebwyd am yr eitemau eto, bydd y gwerth yn seiliedig ar y pris prynu a gofnodwyd ddiwethaf. O ganlyniad, mae'n bosibl na fydd y data bob amser yn cynrychioli'r pris gwirioneddol a dalwyd am y cyflenwad penodol, a dylid ei ystyried fel yr amcangyfrif gorau sydd ar gael ar yr adeg adrodd.

  Mae'r data yn seiliedig ar y mathau canlynol o gyflenwi. Nid yw categorïau trosglwyddo stoc ac eitemau ar archeb wedi'u cynnwys yn y data hyn.

  Categori cyflenwi
  Cleifion mewnol
  Cleifion allanol
  TTA
  Clinigau
  Cleifion achos dydd
  Cleifion dydd mewn ysbyty
  Damweiniau ac achosion brys
  Cyflenwadau Swmp
  Addasiad stoc drwy KADJ a KADJS
  Addasiad stoc drwy KADJM
  Dychwelwyd i'r cyflenwr
  Defnyddio deunyddiau crai mewn presgripsiynau teilwredig
  Cyflenwi drwy TRADE
  Materion oherwydd newid pris gwerthu MTA
  Defnyddio deunyddiau crai drwy UMAN
  Cwarantin
  Defnyddio deunyddiau crai mewn Asepteg
  Credyd ar gyfer dychwelyd stoc
  Nwyddau a ddychwelwyd allan

• Ansawdd ystadegol:

  Mae'r data yn gywir ar 25 Mehefin 2026. Mae'n bosibl y gellir cynhyrchu data o hyd ar gyfer meddyginiaethau a roddwyd yn ystod blwyddyn ariannol 2025 i 2026; Mae hyn yn annhebygol, ond mae'n dal i fod yn bosibl.

  Cyhoeddir y data fel y'u derbyniwyd, ac felly adroddir rhai gwerthoedd fel costau negyddol.

  Mae'r data ar gael ar lefel cynnyrch yn unig. Ceir y 'Cemegyn' cysylltiedig drwy fapio pob cofnod cyffuriau i'r Moieti Therapiwtig Rhithwir (VTM) cyfatebol, fel y'i diffinnir yng ngeiriadur meddyginiaethau a dyfeisiau'r GIG (dm+d). Nid oedd modd mapio tua 20% o'r cofnodion i VTM ac felly mae'r 'Cemegyn' wedi'i gofnodi fel 'Anhysbys'. Gall hyn ddigwydd oherwydd y rhesymau canlynol:

  • Nid yw eitemau wedi'u cynnwys yn y dm+d (er enghraifft cynhyrchion nad ydynt wedi'u dosbarthu'n dechnegol yn gyffuriau neu'n
  • Eitemau sydd wedi'u cynnwys o fewn dm+d ond nad oes ganddynt riant VTM cysylltiedig
• Adroddiadau cysylltiedig:
  • Adroddiad ansawdd
  • Datganiad Ystadegol

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.iechyd@llyw.cymru