Cydrannau newid poblogaeth amcanestyniadau poblogaeth sy'n seiliedig ar 2022 yn ôl awdurdod lleol a blwyddyn
Disgwylir y diweddariad nesaf:Ni ddisgwylir i'r set ddata hon gael ei diweddaru, ond disgwylir iddi gael ei disodli yn y dyfodol
Diweddariadau
- 23ain Ionawr 2026
- Set ddata a gyhoeddwyd gyntaf.
Prif wybodaeth
- Dynodiad
- Ystadegau swyddogol achrededig
- Darparwr data 1
- Llywodraeth Cymru
- Ffynhonnell y data 1
- Amcanestyniadau poblogaeth ar gyfer awdurdodau lleol yng Nghymru
- Darparwr data 2
- Y Swyddfa Ystadegau Gwladol (y SYG)
- Ffynhonnell y data 2
- Amcanestyniadau poblogaeth cenedlaethol ar gyfer Cymru
- Darparwr data 3
- Y Swyddfa Ystadegau Gwladol (y SYG)
- Ffynhonnell y data 3
- Amcangyfrifon poblogaeth canol-blwyddyn
Trosolwg
- Crynodeb o’r set ddata a newidynnau
Mae'r set ddata hon yn darparu'r cydrannau newid sy'n rhan o gyfrifo'r amcanestyniadau poblogaeth ar gyfer awdurdodau lleol yng Nghymru. Mae'r data'n cwmpasu'r newid rhwng pob blwyddyn amcanestyniad olynol ac yn ymwneud â'r newid o ganol pob blwyddyn i ganol y flwyddyn ganlynol. Mae data'r flwyddyn gyntaf yn cynrychioli'r newid o'r flwyddyn sylfaen o ganol 2022 i ganol 2023, trwy gyfnod yr amcanestyniad i ddangos y newid ar gyfer canol 2046 i ganol 2047.
Dim ond ar gyfer y prif amcanestyniad y cyhoeddir y cydrannau newid.
- Cyfrifo neu gasglu data
Cynhyrchir yr amcanestyniadau poblogaeth ar gyfer Cymru gan Wasanaethau Gwybodaeth a Dadansoddi, Llywodraeth Cymru.
Mae’r amcanestyniadau poblogaeth sy’n seiliedig ar 2022 yn darparu ystadegau ynglŷn â maint a strwythur oedran posibl poblogaeth awdurdodau lleol yng Nghymru yn y dyfodol. Mae'r amcanestyniadau hyn yn disodli'r amcanestyniadau blaenorol a oedd yn seiliedig ar 2018.
Datblygwyd y fethodoleg ar y cyd â grŵp Amcanestyniadau Is-genedlaethol Cymru (WaSP). Mae aelodau WaSP yn cynnwys cynrychiolwyr sydd â phrofiad o ddata demograffig a thai o awdurdodau lleol Cymru, Data Cymru a Llywodraeth Cymru.
Nid yw'r amcanestyniadau poblogaeth awdurdodau lleol hyn wedi'u cyfyngu i amcanestyniadau poblogaeth cenedlaethol y Swyddfa Ystadegau Gwladol (y SYG). Yr hyn y mae hyn yn ei olygu yw nad yw swm amcanestyniadau poblogaeth awdurdodau lleol yn cyfateb i'r amcanestyniadau poblogaeth cenedlaethol. Dylai pobl sydd â diddordeb mewn amcanestyniadau poblogaeth ar lefel Cymru ddefnyddio amcanestyniadau poblogaeth cenedlaethol y SYG.
Gall amcanestyniadau poblogaeth fod yn wahanol i amcangyfrifon poblogaeth sydd eisoes wedi eu cyhoeddi nawr ac yn y dyfodol agos. Rydym yn argymell defnyddio'r amcangyfrifon poblogaeth canol blwyddyn diweddaraf ar gyfer pob blwyddyn lle maent ar gael.
Mae’r amcanestyniadau poblogaeth awdurdodau lleol hyn yn seiliedig ar amcangyfrifon poblogaeth canol blwyddyn ar gyfer 2022 ar gyfer awdurdodau lleol yng Nghymru. Mae’r holl amcanestyniadau yn cyfeirio at y boblogaeth ar 30 Mehefin yn y flwyddyn gyfeirio.
Ar 30 Gorffennaf, cyhoeddodd y SYG amcangyfrifon canol blwyddyn poblogaeth Cymru a Lloegr ar gyfer canol 2024. Diwygiodd y SYG amcangyfrifon ar gyfer canol 2022 a chanol 2023 er mwyn ymgorffori gwell data ar fudo rhyngwladol a mudo mewnol. Rydym wedi ymgorffori’r amcangyfrifon diwygiedig yn yr amcanestyniadau hyn.
Er mwyn ystyried y newidiadau diweddar sydd wedi’u gwneud i’r amcangyfrifon mudo rhyngwladol hirdymor, penderfynwyd addasu’r rhagdybiaethau mudo rhyngwladol ar gyfer yr amcanestyniadau hyn. Mae data mudo rhyngwladol sydd wedi’u cynnwys yn yr amcanestyniadau hyn wedi’u cyfyngu ar gyfer pob awdurdod lleol, mudo rhyngwladol mewnol ac allanol, y cyfnod rhwng canol 2022 a chanol 2023, a chanol 2023 i ganol 2024, a hynny i gyd-fynd â’r amcangyfrif mudo rhyngwladol a gyhoeddwyd yn yr amcangyfrifon poblogaeth canol-blwyddyn diwygiedig ym mis Gorffennaf. Nid yw’r dull wedi newid ar gyfer pob blwyddyn arall yng nghyfnod yr amcanestyniad, o ganol 2025 ymlaen.
Bydd rhagor o wybodaeth ar gael yn yr adroddiad technegol.
- Ansawdd ystadegol
Gweler y datganiad ystadegol o amcanestyniadau poblogaeth awdurdodau lleol trwy ddilyn y dolenni gwe.
- Talgrynnu wedi'i wneud
Mae data wedi'u talgrynnu i'r rhif cyfan agosaf ac efallai na fyddant yn adio'n union.
Cyhoeddwyd gan
- Sefydliad
- Llywodraeth Cymru
- E-bost cysylltu
- ystadegau.poblogaeth@llyw.cymru