Anheddau sy'n destun treth gyngor yn ôl awdurdod a band

Disgwylir y diweddariad nesaf:Ionawr 2026

Diweddariadau

• 26ain Ionawr 2026:

  Diweddariad i res D1 ar gyfer 2026-27.

• 22ain Ionawr 2026:

  Data newydd wedi'i ychwanegu ar gyfer y flwyddyn ariannol 2026 i 2027.

• 13eg Hydref 2025: Set ddata a gyhoeddwyd gyntaf.

Prif wybodaeth

• Dynodiad: Ystadegau swyddogol achrededig
• Darparwr data: Awdurdodau Lleol
• Ffynhonnell y data: Casgliad data am anheddau'r dreth gyngor (CT1)
• Cyfnod amser dan sylw: Ebrill 1996 i Mawrth 2027

Trosolwg

• Crynodeb o’r set ddata a newidynnau:

  Mae Llywodraeth Cymru yn cynnal arolwg o anheddau'r dreth gyngor (ffurflen CT1). Mae data ar gael ynglyn â nifer yr anheddau sy'n gymwys ar gyfer y dreth gyngor ym mhob awdurdod lleol yn y flwyddyn ariannol nesaf, wedi'u dadansoddi fesul band y dreth gyngor, gan gynnwys nifer yr adeiladau sy'n gymwys ar gyfer gostyngiadau ac eithriadau'r dreth gyngor.

  Mae'r data yn cwmpasu Cymru ar gyfer pob blwyddyn ers 1996-7. Mae data ar gyfer blynyddoedd cynharach ar gael gan is-adran Gwasanaethau Gwybodaeth a Dadansoddi Llywodraeth Cymru ar gyfer hen ddosbarthau Cymru, a ad-drefnwyd ar 1 Ebrill 1996.

  Mae'r arolwg wedi ei gynnal bob mis Hydref a mis Rhagfyr ers 1993-94. Mae canlyniadau ar gael yn gynnar ym mis Ionawr, tua thri mis cyn dechrau'r flwyddyn ariannol gyfeirio.

  Tâl a godir ar bob annedd ddomestig am ddarparu gwasanaethau awdurdod lleol yw'r dreth gyngor. Mae'n cynnwys elfennau ar gyfer y cyngor sir neu'r cyngor bwrdeistref sirol, ynghyd ag elfennau ar gyfer yr awdurdod heddlu ac, os oes un yn bodoli, ar gyfer y cyngor cymuned lleol. Ym 1991, aseswyd yr eiddo yn ardal pob sir neu fwrdeistref sirol gan Asiantaeth y Swyddfa Brisio (VOA) a rhoddwyd pob annedd mewn band prisio, yn amrywio o A i H. Rhoddir anheddau mewn adeiladau newydd yn un o'r bandiau yn ôl gwerth annedd o'r fath ym 1991. Ailbrisiwyd yr anheddau yn 2003 a diwygiwyd y bandiau ar gyfer y flwyddyn 2005-06 ymlaen.

  Dyma'r bandiau ar gyfer Cymru yn seiliedig ar brisiad 1991: A - Hyd at £30,000; B - £30,001 i £39,000; C - £39,001 i £51,000; D - £51,001 i £66,000; E - £66,001 i £90,000; F - £90,001 i £120,000; G - £120,001 i £240,000; H - £240,001 ac uwch. Dyma'r bandiau ar gyfer Cymru yn seiliedig ar brisiad 2003: A - o dan £44,000; B - £44,001 i £65,000; C - £65,001 i £91,000; D - £91,001 i £123,000; E - £123,001 i £162,000; F - £162,001 i £223,000; G - £223,001 i £324,000; H - £324,001 i £424,000; I - £424,001 ac uwch.

  A1 - Holl anheddau trethadwy Nid nifer yr anheddau ym mhob band a ddangosir ar y rhestr brisio yw hwn, oherwydd bod honno'n cynnwys anheddau sydd wedi'u heithrio o'r dreth gyngor. A2 - Anheddau sy'n derbyn gostyngiad anabledd Anheddau sy'n destun gostyngiad anabledd yw'r rheini a nodir yn Rheoliadau'r Dreth Gyngor (Gostyngiadau am Anableddau). A3 - Anheddau trethadwy wedi'u haddasu Mae annedd ym mandiau B i H sy'n destun gostyngiad anabledd yn cael gostyngiad o un band at ddibenion cyfrifo'r dreth gyngor sy'n daladwy. Ers 1 Ebrill 2000, defnyddiwyd cymhareb o 5/9 ag annedd band D ar gyfer anheddau sydd wedi'u rhestru ym mand A ac sy B1 - Anheddau â gostyngiad Nifer yr anheddau nad ydynt yn cael disgownt, o ran y dreth gyngor sy'n daladwy. B2 - Anheddau â gostyngiad o 25% Nifer yr anheddau sy'n cael un disgownt, o ran y dreth gyngor sy'n daladwy. Caiff anheddau sy'n cael disgownt sy'n hafal i'r ganran briodol (h.y. 25 y cant) eu trin fel pe baent yn cael un disgownt. B3 - Anheddau â gostyngiad o 50% Caiff anheddau sy'n cael disgownt sy'n hafal i ddwbl y ganran briodol (h.y. 50 y cant) eu trin fel pe baent yn cael dau ddisgownt. B4 - Cyfanswm anheddau trethadwy wedi'u haddasu Cyfanswm anheddau trethadwy wedi'u haddasu (B1+B2+B3=A3). Mae'r ffigurau yn yr adran hon yn ddadansoddiad o'r anheddau trethadwy wedi'u haddasu a ddangosir ar linell A3. C2 - Cyfanswm anheddau â disgownt Y cyfrifiad ar gyfer cyfanswm nifer yr anheddau sy'n cael disgownt yw A3-(C1x0.25). C4 - Cyfanswm anheddau cyfwerth â band D â disgownt Caiff cyfanswm yr anheddau cyfwerth â band D sy'n cael disgownt ei gyfrifo drwy luosi cyfanswm yr anheddau sy'n cael disgownt â chymhareb â band D. Dyma'r cymarebau: A- - 5/9, A - 6/9, B - 7/9, C - 8/9, D - 9/9, E - 11/9, F - 13/9, G - 15/9, H - 18/9, I - D2 - Anheddau dosbarth O wedi'u heithrio Anheddau eithriedig dosbarth O (Anheddau sy'n eiddo i'r Ysgrifennydd Gwladol dros Amddiffyn ac a gedwir fel llety i'r lluoedd arfog, ac eithrio llety i luoedd sy'n ymweld). E1 - Cyfanswm anheddau cyfwerth â band D Cyfanswm anheddau trethadwy â disgownt: cyfwerth â band D (=C4 cyfanswm). E3 - E1x E2 Anheddau trethadwy â disgownt: cyfwerth â band D wedi'u haddasu ar gyfer y gyfradd gasglu (E1 x E2). E4 - Anheddau dosbarth O wedi'u heithrio Amcangyfrif yr awdurdod o'r swm (os oes un) sy'n debygol o gael ei dalu i'r awdurdod gan yr Ysgrifennydd Gwladol dros Amddiffyn mewn cysylltiad ag anheddau sydd yn Nosbarth O. E5 - Sylfaen drethu ar gyfer pennu treth Sylfaen y dreth gyngor at ddibenion pennu trethi (=E3+E4). E6 - Sylfaen drethu'r cyngor at ddibenion y Grant Cynnal Refeniw 100% o sylfaen y dreth gyngor i gyfrifo grant cynnal refeniw (=E1+E4).

• Cyfrifo neu gasglu data:

  Mae'r data y gofynnir amdanynt gan awdurdodau lleol, yn ofynnol o dan ddeddfwriaeth.

• Ansawdd ystadegol:

  Cesglir y data drwy gyfrwng arolwg 100% felly ni chaiff unrhyw amcangyfrif o'r ffigurau ei gyfrifo, ac o'r herwydd, nid oes unrhyw wall samplu.

• Adroddiadau cysylltiedig:
  • Lefelau treth gyngor

Cyhoeddwyd gan

• Sefydliad: Llywodraeth Cymru
• E-bost cysylltu: ystadegau.cyllid@llyw.cymru